BHR Scam | बडे मासे आर्थिक गुन्हे शाखेच्या ताब्यात | २ आमदारही तपास यंत्रणेच्या रडारवर?
जळगाव, १८ जून | जळगावसह राज्यात एकाच दिवशी धरपकड करीत कारवाई केल्याने बीएचआर प्रकरण चांगलेच चर्चेत आले आहे. नुकत्याच झालेल्या कारवाईने अनेकांचे धाबे दणाणले असून ठेवीदारांशी दलाली करणारे देव पाण्यात टाकून बसले आहेत. एका आमदाराचे नाव दिवसभर जोडले जात असले तरी दुसरा आमदार थोडक्यात बचावला आहे. सध्या तरी ‘वेट अँड वॉच’ची भुमिका घ्यावी लागणार असून मोठा मासा पुढील आठवड्यात पथकाच्या गळाला लागण्याची शक्यता आहे.
जळगाव येथील भाईचंद हिराचंद रायसाेनी (बीएचआर) पतसंस्थेतील बहुचर्चित घाेटाळ्यात औरंगाबादच्या आदर्श उद्याेगसमूहाचे सर्वेसर्वा व सहकार क्षेत्रातील बडे प्रस्थ अंबादास मानकापे पाटील यांना गुरुवारी पुण्यातील आर्थिक गुन्हे शाखेच्या पथकाने अटक केली. पुण्याच्या न्यायालयाने त्यांची पाच दिवस काेठडीत रवानगीही केली आहे. मानकापे पाटील यांचा प्रवास अचंबित करणारा आहे. सहकार विभागात कनिष्ठ लिपिक म्हणून नोकरीस लागलेल्या मानकापे पाटलांनी सेवानिवृत्तीनंतर तब्बल चौदा सहकारी, खासगी संस्था स्थापन केल्या. गेल्या २२ वर्षांत ते औरंगाबाद जिल्ह्यातील बडे प्रस्थ म्हणून उदयास आले. मात्र आता त्यांच्या अटकेमुळे सर्वांनाच धक्का बसला आहे.
१३ मार्च १९६३ रोजी मानकापे पाटील सहकार विभागात कनिष्ठ लिपिक म्हणून विभागीय सहनिबंधक (सहकार) कार्यालयात रुजू झाले हाेते. पुढे पदोन्नतीने ते वरिष्ठ लिपिक, प्रमुख लिपिक, विशेष वसुली अधिकारी (श्रेणी १) झाले. सुमारे ३६ वर्षे शासकीय सेवा केल्यानंतर ३० सप्टेंबर १९९९ रोजी विशेष वसुली अधिकारी (श्रेणी १) या पदावरून ते सेवानिवृत्त झाले. निवृत्तीनंतर त्यांनी सहकार खात्यात संस्थांच्या माध्यमातून नव्याने प्रवेश केला. ‘आदर्श’ नावाने सहकारी बँक, पतसंस्था, दूध डेअरी, रुग्णालये, महिला बँक, कॉटन जिनिंगच्या माध्यमातून त्यांनी अल्पावधीत ‘सहकाररत्न’ म्हणून ख्याती मिळवली. बचत गटांच्या माध्यमातून त्यांनी राज्यभरात जवळपास एक लाख महिला सदस्यांचे जाळे तयार केले.
शिवाय काही वर्षांपूर्वी एक वर्तमानपत्र सुरू करून त्यांनी त्याचे संपादकपदही मिळवले हाेते. या अनेक सहकारी संस्था, कर्मचारी, ठेवीदार, कर्जदार असे शहरात जवळपास १० हजार लोक त्यांनी जोडले. मोठे नेटवर्क तयार झाल्याने राजकीय वर्तुळातही त्यांची ऊठबस हाेती. नुकत्याच झालेल्या औरंगाबाद जिल्हा बँकेच्या निवडणुकीतही त्यांनी प्रस्थापितांना आव्हान देण्याचा प्रयत्न केला हाेता. मात्र आता घाेटाळ्यात नाव आल्याने त्यांच्यावर काेठडीत जाण्याची वेळ आली.
ठेवीदारांना फसवून ७ काेटी कर्ज फेडल्याचा आराेप:
बीएचआर पतसंस्था अवसायनात निघाली हाेती. त्यामुळे अनेक ठेवीदारांना पैसे बुडण्याची भीती हाेती. त्याचा फायदा घेऊन काही बड्या लाेकांनी घाबरलेल्या ठेवीदारांशी एजंटांमार्फत संपर्क साधला. तुमचे अडकलेले पैसे काढून देताे, त्यापैकी २५ ते ३० टक्के रक्कमच तुम्हाला मिळेल. मात्र सर्व पैसे मिळाले असे लिहून द्यावे लागेल, असे सांगून काही संशयितांनी या पद्धतीने ठेवीदारांकडून एफडीच्या पावत्यांवर सह्याही घेतल्या हाेत्या. सूत्रांनी दिलेल्या माहितीनुसार, अंबादास मानकापे यांनी बीएचआर पतसंस्थेकडून १० काेटी कर्ज घेतले हाेते. त्यापैकी सात काेटी रुपयांचे कर्ज त्यांनी अशा प्रकारे ठेवींच्या पावत्या मिळवून फेडल्याचा संशय आहे. यात त्यांना पतसंस्थेशी संबंधित बड्या लाेकांची मदत झाली. त्यामुळे फसवणुकीचा गुन्हा दाखल करून मानकापेंना अटक करण्यात आली. आता त्यांची सखाेल चाैकशी हाेईल.
महत्वाचं: तुम्हाला हा लेख/बातमी आवडली असेल तर नक्की शेअर करा आणि अशा प्रकारचे लेख/बातमी भविष्यात वाचण्यास आवडतील तर कृपया महाराष्ट्रनामाला न विसरता ‘फॉलो (Follow) ‘ करा. तुमच्या आवडी प्रमाणे विषय घेऊन लेख/बातमी लिहिणे आमच्या टीमला देखील खूप आवडेल आणि तुमची वाचनाची गोडी देखील त्यामुळे वाढेल. त्यामुळे आम्हाला नक्की फॉलो करा. महाराष्ट्रनामा नेहमीच वाचकाच्या पसंतीचे आणि निरनिराळ्या पण महत्वाच्या विषयांवरील लेख प्रसिद्ध करण्यास वचनबद्ध आहे.
News Title: BHR scam Ambadas Mankape arrested by Pune economic crimes branch news updates.
संबंधित बातम्या
व्हिडिओ
- VIDEO | सोमैयांच्या भंपक आरोपांचा इतिहास | ५'वी दिवाळी आली तरी अजित पवार-तटकरे बाहेरच
- VIDEO | अमेरिकेत बायडन तर महाराष्ट्रात पवार यांची पावसातील सभा | पहा..
- VIDEO | जलयुक्त शिवार योजना | फडणवीसांची फिरवाफिरवी | राज ठाकरेंकडून वास्तव
- पेट्रोल डिझेलचे भाव गगनाला भिडले तरी मोदी गप्प?
- कोरोना रुग्णांच्या आरोग्य सेवांवरून राज्य सरकार गोधळलंय
- महाराष्ट्रनामा कोरोना डॅशबोर्ड
- महाराष्ट्र...कोरोना रुग्ण...बेड्स...राज्य सरकारचं वास्तव उघड
- सोनू सूद लॉकडाउन दरम्यानचा खरंच देव आहे? जाणून घ्या सत्य
- सरकारने पोलिसांवरील उपचारासाठी मरोळ PTS ताब्यात घ्यावं
राहुन गेलेल्या बातम्या
- Stocks To Buy | बँक FD किती वार्षिक व्याज देईल? पण या बँकेचा शेअर अल्पावधीत 35 टक्के परतावा देईल
- Mastek Share Price | 40 रुपयाच्या शेअरची कमाल! तब्बल 4000 टक्के परतावा दिला, आता एका दिवसात 20% वाढला
- Numerology Horoscope | 22 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा सोमवारचा दिवस कसा असेल
- Gold Rate Today | बापरे! लग्नासराईच्या दिवसातही सोनं खरेदी करणं परवडणार नाही, लवकरच 1 लाख रुपये तोळा होणार
- Numerology Horoscope | 19 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा शुक्रवारचा दिवस कसा असेल
- Talbros Auto Share Price | टॅलब्रोस कंपनीची ओरडारबुक मजबूत होताच शेअर्स तेजीत, 2 दिवसात 10 टक्के परतावा
- Jio Financial Services Share Price | जिओ फायनान्शियल शेअरमध्ये चढ-उतार, स्टॉक पुढे तेजीत वाढणार की घसरणार?
- Numerology Horoscope | 17 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा बुधवारचा दिवस कसा असेल
- Infosys Share Price | भरवशाचा इन्फोसिस शेअर उसळी घेणार, दिग्गज ब्रोकिंग तज्ज्ञांकडून मोठी टार्गेट प्राईस जाहीर
- Stocks in Focus | मार्ग श्रीमंतीचा! हे टॉप 5 बँकिंग शेअर्स तुम्हाला अल्पावधीत 38 टक्केपर्यंत परतावा देतील, संधी सोडू नका