पोलीस मारहाण प्रकरण | ठाकरे सरकरमधील मंत्री यशोमती ठाकूर यांना ३ महिन्यांची शिक्षा

अमरावती, १५ ऑक्टोबर : महिला आणि बालकल्याण मंत्री यशोमती ठाकूर यांना अमरावती न्यायालयाने पोलीस मारहाण प्रकरणात ३ महिन्यांची शिक्षा आणि १५ हजारांचा दंड ठोठावला आहे. आठ वर्षे जुन्या प्रकरणात त्यांना ही शिक्षा सुनावण्यात आली आहे. आठ वर्षांपूर्वी यशोमती ठाकूर यांनी अमरावती येथील अंबादेवी मंदिराजवळ उल्हास रौराळे या पोलीस कर्मचाऱ्याला मारहाण केली होती. यामध्ये त्यांचा वाहनचालक आणि दोन कार्यकर्त्यांचाही समावेश होता.

आठ वर्षांपूर्वी २४ मार्च २०१२ रोजी आमरावतीमधील अंबादेवी मंदिराजवळ यशोमती ठाकूर आणि पोलिसांमध्ये वाद झाला होता. त्यावेळी त्यांनी पोलिसांशी हुज्जत घातली होती. दरम्यान, पोलिस कॉन्स्टेबल उल्हास रौराळे यांच्यासोबत वाद घालून त्यांना मारहाण करण्याचा प्रयत्न करणे आणि शासकीय कामकाजात अडथळा आणणे, याप्रकरणी ही शिक्षा सुनावण्यात आली आहे.

News English Summary: Women and Child Welfare Minister Yashomati Thakur had beaten up a police officer named Ulhas Raurale near Ambadevi temple. This included his driver and two accompanying workers. An Amravati court has sentenced Thakur to three months imprisonment and a fine of Rs 15,000. Thakur has not yet commented on the verdict.

News English Title: MahaVikas Aghadi Minister Yashomati Thakur Sentenced Three Months For Beating Police Eight Years Ago Case News updates.