13 May 2021 2:05 AM
अँप डाउनलोड

सचिन वाझेंनीच अंबानींच्या घराबाहेर स्फोटकांनी भरलेली गाडी प्लॉट केली | NIA चा आरोप

Sachin Vaze, Antelia bungalow, NIA

मुंबई, १४ मार्च: मुकेश अंबानींच्या अँटेलिया बंगल्याशेजारी स्कॉर्पिओमध्ये स्फोटकं ठेवल्याच्या प्रकरणात तब्बल 13 तासांच्या चौकशीनंतर एपीआय सचिन वाझे यांना NIA कडून अटक करण्यात आली. त्यामुळेच एकच खळबळ उडाली आहे. सचिन वाझेंवर विविध कलमांतर्गत गुन्हे दाखल करण्यात आले आहे. सचिन वाझेंनीच अंबानींच्या घराबाहेर स्फोटकांनी भरलेली गाडी प्लॉट केली, असा आरोप NIA नी केला आहे.

BhagyaVivah Marathi Matrimonial

अंबानी यांच्या घराजवळ कार उभी करण्यात सचिन वाझे यांचा सहभाग असल्याचा आरोप एनआयएने केला असून, याच आरोपाखाली वाझे यांना अटक करण्यात आली आहे. वाझे यांना अटक केल्यानंतर एनआयए न्यायालयासमोर हजर केलं जाणार आहे. त्यांच्या कोठडीची मागणी एनआयकडून केली जाणार आहे.

वाझेंना आज कोर्टापुढे हजर करण्यात येणार:
सकाळी ११.३० च्या सुमारास वाझे कंबाला हिल येथील एनआयएच्या कार्यालयात हजर झाले. या वेळी अधिकाऱ्यांनी त्यांच्यावर प्रश्नांची सरबत्ती केली. अँटिलिया बंगल्यासमोर २५ फेब्रुवारीला सापडलेल्या स्फोटकांप्रकरणी एनआयए तपास करीत आहे. त्यानंतर सचिन वाझे यांचा जबाब नोंदवून घेण्यात आला. मध्यरात्री वाझे यांना अटक केल्यानंतर त्यांना एनआयएच्याच कार्यालयात ठेवण्यात आले. रविवारी सकाळी ११ वाजता त्यांना न्यायालयासमोर हजर करण्यात येणार असल्याची माहिती सूत्रांनी दिली. या वेळी पुढील चौकशीसाठी एनआयए त्यांचा काही दिवस रिमांड मागण्याची शक्यता आहे.

मला अडकवण्याचा प्रयत्न:
‘जगाचा निरोप घेण्याची वेळ आली आहे. इतिहासाची पुनरावृत्ती होत आहे. माझे सहकारी मला अडकवण्याचा प्रयत्न करीत आहेत. तथापि, आताची परिस्थिती वेगळी आहे. तेव्हा १७ वर्षे संयम, आयुष्य आणि नोकरी यांची आशा होती. आता माझ्याकडे १७ वर्षांचे आयुष्य आहे ना नोकरी, ना संयम’ असे स्टेटस वाझे यांनी आपल्या सोशल मीडिया अकाउंटवर ठेवले. मुंबई पोलिस आयुक्त परमबीरसिंग यांनी त्यांना समजावले. गृहमंत्री देशमुख यांनीही माहिती जाणून घेतली.

 

News English Summary: API Sachin Vaze was arrested by the NIA after a 13-hour probe into the alleged possession of explosives in a Scorpio near Mukesh Ambani’s Antelia bungalow. That’s why there’s only one sensation. Sachin Vaze has been charged under various sections. The NIA has alleged that it was Sachin Vaze who plotted a car full of explosives outside Ambani’s house.

News English Title: NIA arrested API Sachin Vaze after probe into the alleged possession of explosives in a Scorpio near Mukesh Ambanis Antelia bungalow news updates.

हॅशटॅग्स

#Crime Patrol(158)

संबंधित बातम्या

राहुन गेलेल्या बातम्या

x