सचिन वाझे NIA'च्या कस्टडीत असताना हे पत्र मीडियात कसे लीक झाले? | कोर्टात प्रश्न

मुंबई, ९ एप्रिल: राष्ट्रीय अन्वेषण यंत्रणा (NIA) सध्या अँटिलिया स्फोटक जप्ती प्रकरण आणि स्कॉर्पिओ मालक मनसुख हिरेन यांच्या हत्येचा तपास करत आहे. तत्पूर्वी, महाराष्ट्र ATS ने हिरेनच्या हत्येचा तपास सुरू केला आणि माजी कॉन्टेबल विनायक शिंदे आणि क्रिकेट बुकी राजेश गोरे यांना अटक केली. सचिन वाझे 9 एप्रिलपर्यंत NIA ताब्यात आहेत. त्यानंतर आज एनआयएच्या विशेष न्यायालयाने वाझे यांना 23 एप्रिलपर्यंत न्यायालयीन कोठडीत ठेवण्याचे आदेश दिले.

दरम्यान, सचिन वाझे यांनी नुकतेच एक पत्र लिहून शिवसेनेचे मंत्री अनिल परब आणि अन्य नेत्यांवर गंभीर आरोप केले होते. हे पत्र सचिन वाझे यांनी राष्ट्रीय तपास यंत्रणेला (NIA) दिल्याची चर्चा होती. त्यानंतर राजकीय वर्तुळात मोठी खळबळ उडाली होती. या सगळ्या घडामोडींच्या पार्श्वभूमीवर शुक्रवारी NIA कडून कोर्टात वेगळाच दावा करण्यात आला.

सचिन वाझे यांचे हे पत्र प्रसारमाध्यमांपर्यंत कसे पोहोचले, असा सवाल विचार NIA ने आक्षेप नोंदवला. सचिन वाझे हे आमच्या कस्टडीत होते. इतर तपास यंत्रणांना या पत्राची माहिती नव्हती. मग तरीदेखील हे पत्र मीडियात कसे लीक झाले, असा सवाल NIAच्या वकिलांकडून उपस्थित करण्यात आला. त्यावर न्यायाधीशांनी सचिन वाझे यांचे वकील आबाद पोंडा यांना विचारणा केली. तेव्हा त्यांनी आपल्याला याविषयी कोणतीही माहिती नसल्याचे म्हटले. त्यावर असा प्रकार पुन्हा होता कामा नये, अशी ताकीद न्यायाधीशांनी दिल्याचे समजते.

News English Summary: Sachin Waze had recently written a letter making serious allegations against Shiv Sena minister Anil Parab and other leaders. It was rumored that the letter was handed over by Sachin Waze to the National Investigation Agency (NIA). After that, there was a great stir in the political circles. Against the backdrop of all these developments, a separate claim was filed in court by the NIA on Friday.

News English Title: NIA raised question in court over leaked letter of Sachin Vaze in Media news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.