मुंबई, ४ नोव्हेंबर: रिपब्लिक चॅनेलचे संपादक अर्णब गोस्वामी यांना रायगड पोलिसांनी अटक केल्याने खळबळ माजली आहे. रायगड पोलिसांनी धडक कारवाई करत अर्णब गोस्वामी यांना मुंबई येथील घरातून ताब्यात घेत अटकेची कारवाई केली. दरम्यान, पोलिसांकडे कोणतीही कागदपत्रं, न्यायालयाचे आदेश किंवा समन्स नसतानाही ही धडक कारवाई केला जात असल्याचा आरोप रिपब्लिककडून यानंतर करण्यात आला आहे.
तसेच अर्णब गोस्वामी यांच्यावर पोलिसांकडून जबरदस्ती करत धक्काबुक्की केल्याचा आरोप देखील करण्यात आला आहे. सध्या पोलीस अर्णब गोस्वामी यांना घेऊन अलिबागच्या दिशेने रवाना झाले आहेत.
काय आहे प्रकरण:
मुंबईतील सुप्रसिद्ध इंटेरिअर डिझायनर अन्वेय नाईक (Interior Designor Anvay Naik Suicide Case) याने ५ मे २०१८ रोजी आपल्या राहत्या घरी गळफास घेऊन आत्महत्या केली. अन्वेय नाईक यांच्या मृतदेहाशेजारीच त्यांच्या आईचा मृतदेह आढळला होता. काम करून देखील अर्नबने त्यांचे तब्बल ९० लाख देण्यास नकार दिला. अन्वेय मधुकर नाईक (५३) यांनी आर्थिक विवंचनेतून स्वत: आत्महत्या केली होती. त्यांच्या कॉनकॉर्ड या इंटेरियर डिझायनर कंपनीला व्यवसायात नुकसान झाले होते, त्यामुळे कर्जदार त्याच्याकडे पैशांचा तगादा लावत होते. याच तणावात त्याने आपले व आईचे जीवन संपविण्याचे ठरविले. अन्वेय नाईक यांनी आत्महत्या करण्यापूर्वी रिपब्लिकन टीव्हीचे मालक अर्णब गोस्वामी तर फिरोज शेख व नीतेश सारडा यांनी कामाचे पैसे दिले नसल्यामुळे आत्महत्या करीत असल्याची चिठ्ठी लिहून ठेवली होती. त्यामुळे या तिघांचीही चौकशी पोलिसांमार्फत करण्यात आली होती.
News English Summary: Mumbai-based interior designer Anvay Naik committed suicide by hanging himself at his residence on May 5, 2018. His mother’s body was found next to Naik’s body. Even after working, Arnab refused to pay him Rs 90 lakh. According to Madhukar Naik (53), he had committed suicide due to financial difficulties. His Concorde, an interior designer company, had lost business, so the borrowers were demanding money from him. It was in this tension that he decided to end his life and that of his mother. Before Naik committed suicide, Republic TV owner Arnab Goswami and Feroze Sheikh and Nitesh Sarda had written a letter saying they were committing suicide as they had not paid for the work. Therefore, all the three were interrogated by the police.
News English Title: Republic TV office interior designer Anvay Naik committed suicide News updates.
