25 April 2024 8:51 PM
अँप डाउनलोड
बातम्या फ्लॅश
Numerology Horoscope | 26 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा शुक्रवारचा दिवस कसा असेल Horoscope Today | तुमचे शुक्रवारचे राशिभविष्य | 26 एप्रिल 2024 | तुमच्या राशीनुसार तुमचा शुक्रवारचा दिवस कसा असेल जाणून घ्या Gold Rate Today | खुशखबर! आज सोन्याचा भाव पुन्हा धडाम झाला, पटापट तुमच्या शहरातील नवे दर तपासून घ्या Vodafone Idea Share Price | 13 रुपयाच्या शेअरने तेजी पकडली, 2 दिवसात 17 टक्के परतावा दिला, पुन्हा मल्टिबॅगर? NBCC Share Price | एनबीसीसी इंडिया कंपनीची ऑर्डरबुक मजबूत झाली, हा शेअर देईल मल्टिबॅगर परतावा BSE Share Price | हा शेअर वेळीच खरेदी करा, पुढे मल्टिबॅगर निश्चित, मागील 1 महिन्यात दिला 35 टक्के परतावा KEI Share Price | 14 रुपयाच्या शेअरची जादू! तब्बल 27333 टक्के परतावा घेत गुंतवणूकदार करोडपती, खरेदी करणार?
x

रिपब्लिककडून गोपनीय माहितीचा दुरुपयोग आणि विपर्यास | BARCची पत्रक काढून नाराजी

TRP Scam, BARC India, Republic TV network, Mumbai Police

मुंबई, १८ ऑक्टोबर : ‘रिपब्लिक’ या वृत्तवाहिनीने खासगी संभाषण आणि ई-मेल संवादातली गोपनीय माहिती उघड केली आणि त्याचा दुरुपयोग करत विपर्यास केला असं Audience Research Council (BARC) ने म्हटलं आहे. याप्रकरणी BARCने तीव्र नाराजी व्यक्त केली आहे. याबाबत पत्र काढून BARCने आपली भूमिका स्पष्ट केली.

याबाबत BARCने रविवारी काढलेल्या पत्रकात म्हटलं आहे की, टिआरपी घोटाळ्याबाबत सध्या मुंबई पोलीस चौकशी करत आहे. चौकशी सुरू असल्याने BARC त्याबद्दल कुठलीही प्रतिक्रिया व्यक्त करत नाही. चौकशी संस्थाना BARC सहकार्य आणि मदत करत असल्याचंही त्यांनी पत्रकात म्हटलं आहे.

खासगी संभाषण आणि ईमेल्सच्या माध्यमातून जो गोपनीय संवाद झाला होता त्याचा दुरूपयोग करत त्याचं चुकीच्या पद्धतीने सादरीकरण करणं हे योग्य नाही. त्याबद्दल आम्ही तीव्र नापसंती आणि नाराजी व्यक्त करत आहोत. अशी कृती करणं हे व्यवसाय मुल्यांशी प्रतारणा केल्यासारखं आहे असं BARCने पत्रकात म्हटलं आहे.

या प्रकरणी जी चौकशी सुरू आहे त्यावर आम्हाला कुठलही मत व्यक्त करायचं नाही याचा पुनरुच्चारही BARCने पत्रकात केला आहे. BARCसोबत ई-मेलव्दारे जो संवाद झाला त्यातली माहिती ही मुंबईचे पोलीस आयुक्त परमबीर सिंग यांनी केलेल्या आरोपांना छेद देणारी आहे असा दावा ‘रिपब्लिक’ने केला होता. त्यानंतर चर्चा सुरू झाल्याने BARCने आज हे स्पष्टिकरण दिलं आहे. काही दिवसांपूर्वीच मुंबई पोलिसांनी टीआरपी घोटाळा उघड करत तीन चॅनल्सना जबाबदार धरलं होतं. त्यात रिपब्लिक वाहिनीचाही समावेश होता.

मुंबई पोलिसांनी TRP घोटाळा उघडकीस आणला होता आणि संबंधित टीव्ही वृत्तवाहिन्यांचे धाबे दणाणले होते. दरम्यान, रिपब्लिक टीव्ही पाहण्यासाठी पैसे पुरविणाऱ्या उमेश मिश्राला दोन दिवसांची पोलीस कोठडी सुनावण्यात आली. तो ‘हंसा’चा माजी कर्मचारी असून त्याला शुक्रवारी मुंबई गुन्हे गुप्त वार्ता विभागाने (सीआययू) विरार येथून अटक केली होती. वादग्रस्त रिपब्लिक टीव्ही व अन्य दोन स्थानिक चॅनेल्सनी जाहिराती मिळविण्यासाठी टीआरपी रॅकेटमधून कोट्यवधीचा महसूल जमविल्याचे मुंबई पोलिसांनी उघडकीस आणले. रिपब्लिकचे मुख्य कार्यकारी अधिकारी व संपादक अर्णब गोस्वामी व इतरांची या प्रकरणी चौकशी केली जाणार असल्याचे तपास अधिकाऱ्यांनी सांगितले.

टीआरपी घोटाळ्याप्रकरणी आतापर्यंत हंसा कंपनीचा विशाल वेद भंडारी (२१), अंधेरीतील बोमपेली नारायण मिस्त्री (४४), बॉक्स सिनेमाचे नारायण नंदकिशोर शर्मा (४७), फक्त मराठीचे शिरीष सतीश पत्तनशेट्टी (४४) आणि उत्तर प्रदेशमधून विनय त्रिपाठीला अटक करण्यात आली आहे. मिश्रा याच्या अटकेनंतर पोलिसांकडून आता दिनेश विश्वकर्मा, रॉकी व अन्य आरोपींचा शोध सुरू आहे.

 

News English Summary: In the ongoing TRP scam where three channels have been accused of manipulation their television rating point, the Broadcast Audience Research Council (BARC) on Sunday expressed its disappointment with Republic Network for “disclosing their private & confidential communication” and “misrepresenting the same”. Issuing a statement, it said, “BARC India has not commented on the ongoing investigation and it is providing necessary assistance to the law enforcement agency, BARC India is highly disappointed with the actions of the Republic Network by disclosing private and confidential communications and misrepresenting the same.

News English Title: TRP fraud case BARC India expresses dismay over Republic TV network for disclosing confidential communication News updates.

हॅशटॅग्स

#MumbaiPolice(168)

संबंधित बातम्या

राहुन गेलेल्या बातम्या

x