VIDEO | पैलवान सागर मर्डर केस | सुशील कुमारचा छत्रसाल स्टेडिअममधील मारहाणीचा VIDEO आला समोर

नवी दिल्ली, २८ मे | छत्रसाल स्टेडियममध्ये ज्युनिअर राष्ट्रीय पैलवान सागर रानाच्या हत्येप्रकरणी अटक करण्यात आलेल्या 2 वेळचा ऑलिम्पिक पदक विजेता सुशील कुमारचे काही फोटो आणि व्हिडिओ समोर आले आहेत. यात ऑलिम्पियन सुशील कुमार मित्रांसोबत सागरला हॉकी स्टिकने मारहाण करताना दिसत आहे. पोलिसांनी दिलेल्या माहितीनुसार, घटनेच्या दिवशी सुशील कुमारने स्वत: मित्राच्या मोबाइलवरून हा व्हिडिओ शूट करून घेतला होता, जेणेकरून कुस्तीच्या सर्कीटमध्ये त्याचा वचक राहील. व्हिडिओमध्ये, 23 वर्षीय सागर धनकड रक्ताने माखलेला दिसत आहे.

माजी कनिष्ठ राष्ट्रीय विजेत्या सागरला सुशील कुमार आणि त्याच्या साथीदारांनी सुमारे २५ मिनिटे मारहाण केली होती. पोलीस नियंत्रण कक्षात माहिती मिळाल्यानंतर पोलीस घटनास्थळी पोहोचले, तेव्हा ही मारहाण थांबवण्यात आली. सुशील कुमारने शहरातील कुस्ती क्षेत्रात आपली दहशत पसरवण्यासाठी हत्येचा व्हिडीओ रेकॉर्ड केला होता अशी माहिती पोलिसांनी दिली आहे.

VIDEO – सुशील कुमारकडून करण्यात आलेला अमानुष हल्ला कॅमेऱ्यात कैद, व्हिडीओ आला समोर pic.twitter.com/kLFdcd0EKh

— महाराष्ट्रनामा न्यूज (@MahaNewsConnect) May 28, 2021

आरोपी सुशील कुमार व अन्य 3 जणांनी त्याला घेराव घातला. प्रत्येकाच्या हातात हॉकी स्टिक दिसत आहे. असे सांगितलं जात आहे की, हा व्हिडिओ स्वत: सुशीलचा साथीदार प्रिन्स दलालने बनवला होता. त्याला यापूर्वीच अटक करण्यात आली आहे. याशिवाय सुशील आणि त्याचा पीए अजय यांच्यासह आणखी 5 आरोपींना अटक करण्यात आली आहे. शुक्रवारी सुशीलचा आणखी एक साथीदार रोहित करोर याला अटक करण्यात आली. तर, 4 आरोपी नीरज बवाना गँग आणि कला-असोदा गँगचे सदस्य आहेत.

आतापर्यंतच्या चौकशीत सागरच्या मृत्यूचे कारण मॉडल टाऊनचा एक फ्लॅट सांगितला गेला. तो रिकामा केल्यानंतर दोन महिन्यांच्या भाड्यावरून वाद झाला होता. मात्र ही कथा गुन्हे शाखेला मान्य नाही. यामुळे दोन्ही आरोपींची चौकशी करून घटनेचे खरे कारण जाणून घेतले जात आहे. सागरसोबत त्याचा कधीपासून वाद होता हे सुशीलकडून जाणून घेण्याचा प्रयत्न आहे. सागर सुशीलला गुरू मानत असतानाही असे काय घडले की एवढी मोठी घटना घडली. छत्रसाल मैदानात घटनेच्या रात्री सुशीलसोबत कोण होते?

News English Summary: Some photos and videos of two-time Olympic medalist Sushil Kumar, who was arrested in connection with the murder of junior national wrestler Sagar Rana at Chhatrasal Stadium, have surfaced. It shows Olympian Sushil Kumar with friends hitting Sagar with a hockey stick.

News English Title:  Video of Olympian Sushil Kumar attacking wrestler Sagar Rana who died later news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.