30 November 2022 12:27 AM
अँप डाउनलोड
बातम्या फ्लॅश
LIC Mutual Fund | LIC शेअर्सने पैसे बुडवले, पण LIC म्युच्युअल फंडाच्या या योजना 100% पर्यंत परतावा देतं आहेत, लिस्ट सेव्ह करा Multibagger Stocks | पैसा कोणाला नको! हे 20 शेअर्स 530 टक्क्यांपर्यंत परतावा देतं आहेत, स्टॉक लिस्ट पहा, खरेदी करणार? Horoscope Today | 30 नोव्हेंबर 2022 | तुमच्या राशीनुसार तुमचा बुधवारचा दिवस कसा असेल जाणून घ्या Numerology Horoscope | 30 नोव्हेंबर, अंकज्योतिष शास्त्रानुसार तुमचा बुधवारचा दिवस कसा असेल?, तुमच्या मूलांकावरून जाणून घ्या Quick Money Share | काय सांगता! या टॉप 5 शेअर्सनी 5 दिवसात 53 पर्यंत परतावा दिला, शेअर्स नोट करा, पैसा वाढवा Gold Price Today | आज पुन्हा सोन्याचे दर घसरले, खरेदीपूर्वी तुमच्या शहरातील लेटेस्ट दर तपासून घ्या SBI Recruitment 2022 | एसबीआय बँकेत (मुंबई) भरती, ऑनलाईन अर्ज करा
x

PMC बॅंकेनंतर लक्ष्मी विलास बँकेवर आरबीआयचे निर्बंध

PMC Bank, Punjab and Maharashtra Co Operative bank, RBI, RBI Restrictions, laxmi Vilas Co Operative Bank, NPA

नवी दिल्ली: रिझर्व्ह बँकेने लक्ष्मी विलास बँकेवर कडक कारवाई केली आहे. या बँकेला PCA यादीत टाकण्यात आलं आहे. PCA म्हणजेच प्रॉम्प्ट करेक्टिव्ह ऍक्शन. या श्रेणीतल्या बँकांची आर्थिक स्थिती जोपर्यंत सुधारत नाही तोपर्यंत बँक नवं कर्ज देऊ शकत नाही. याआधीही आणखी काही सहकारी बँका PCA मध्ये आल्या आहेत.

लक्ष्मी विलास बँकेच्या संचालकांवर आर्थिक फसवणुकीचे आरोप आहेत.या संचालकांच्या विरुद्ध तक्रारी करण्यात आल्यानंतर पोलिसांनी खटला दाखल केला होता. या बँकेत ७९० कोटी रुपयांची एफडी करण्यात आली होती. त्यामध्ये गैरव्यवहार करण्यात आले आहेत. हा रिपोर्ट शुक्रवारी समोर आला. बँकेच्या संचालकांवर खटला दाखल झाल्यानंतर बँकेचा शेअर घसरला.

खासगी क्षेत्रातील लक्ष्मी विलास बँकेच्या संचालकांविरुद्ध दिल्लीच्या आर्थिक गुन्हे शाखेत तक्रार करण्यात आल्याच्या दोन दिवसांनंतर लगेचच आता रिझर्व्ह बँक ऑफ इंडियाने आर्थिक अनियमिततेचे कारण देऊन लक्ष्मीविलास बँकेवरही (एलव्हीबी) आर्थिक निर्बंध (पीसीए) घातले आहेत. त्यामुळे आता नव्याने कर्जे देणे, लाभांश जाहीर करणे आणि शाखांचा विस्तार करण्यात लक्ष्मीविलास बँकेला अडचणी येणार आहेत.

पंजाब अँड महाराष्ट्र सहकारी बँकेवरील रिझव्‍‌र्ह बँकेच्या आर्थिक र्निबधानंतर देशातील सहकार क्षेत्रात गुंतवणूकदार, ग्राहक, खातेदारांमध्ये संतापाची भावना असतानाच लक्ष्मी विलास बँकेच्या घडामोडींची भर पडली आहे. लक्ष्मी विलास बँकेवर निर्बंध घालण्यामागे, कोणत्याही आर्थिक संकटाशी सामना करण्याची कुवत नसणे, मोठ्या प्रमाणातील थकीत कर्जे आणि दोन वर्ष सातत्त्याने ‘अॅसेट क्वालिटी’त झालेली घसरण ही तीन मुख्य कारणं असल्याचं आरबीआयने म्हटलं आहे.

एकीकडे रिझर्व्ह बँकेकडून आर्थिक निर्बंध घालण्यात येत असतानाच दुसरीकडे दिल्ली पोलिसांच्या आर्थिक गुन्हे शाखेने निधीच्या गैरव्यवहारप्रकरणी ‘एलव्हीबी’च्या संचालक मंडळाविरोधात गुन्हा दाखल केला आहे. दिल्ली पोलिसांनी दिलेल्या माहितीनुसार बँकेवर ७९० कोटी रुपयांच्या घोटाळ्याचा आरोप ठेवण्यात आला आहे. वित्तीय क्षेत्रातील कंपनी ‘रेलिगेअर फिनक्वेस्ट’च्या तक्रारीनुसार दिल्ली पोलिसांनी गुन्हा दाखल केला आहे. बँकेने आमच्या ७९० कोटी रुपयांच्या मुदतठेवीत गैरव्यवहार केल्याचे ‘रेलिगेअर’ने तक्रारीत नमूद केले आहे.

हॅशटॅग्स

#Banks(57)

संबंधित बातम्या

राहुन गेलेल्या बातम्या

x