जिओमध्ये १% हिस्सेदारीसाठी सिल्वर लेकची ५,६५६ कोटीची गुंतवणूक

मुंबई, ४ मे: फेसबूककडून बुधवारी एक मोठी घोषणा करण्यात आली. रिलायन्स उद्योग समूहातील जिओचे १० टक्के समभाग खरेदी करण्याची घोषणा फेसबूककडून करण्यात आली होती. ५.७ अब्ज अमेरिकी डॉलर अर्थात ४३,५७४ कोटी रुपये फेसबूककडून जिओमध्ये गुंतविण्यात येणार आहेत. भारतातील सोशल मीडियामध्ये आपला परीघ आणखी विस्तारण्यासाठी फेसबूककडून हा निर्णय घेण्यात आला होता.

या गुंतवणुकीमुळे जिओ प्लॅटफॉर्म्सला मोठा फायदा होणार आहे. जिओ अँप प्लॅटफॉर्मचं मूल्य वाढून ४.६२ लाख कोटी रुपये होईल. या करारामुळे मुकेश अंबानी यांच्या रिलायन्स इंडस्ट्रिजवरील कर्ज आणखी कमी होईल आणि मार्क झुकरबर्ग यांच्या फेसबुकला एक मजबूत प्लॅटफॉर्म मिळेल. फेसबुक आणि जिओ विविध प्रोजक्टवर एकत्रितपणे काम करणार आहेत, ज्यामुळे देशभरात व्यवसायाच्या संधी निर्माण होतील, असं दोन्ही कंपन्यांनी आपल्या वेगवेगळ्या जारी केलेल्या वक्तव्यांमध्ये म्हटलं होतं.

आता मुकेश अंबानी यांच्या रिलायन्स ग्रुपने अजून एका कराराची घोषणा केली आहे. हा करार जिओ प्लॅटफॉर्म्स आणि अमेरिकेची खासगी इक्विटी कंपनी सिल्वर लेक यांच्यात झाला आहे. ५,५६५ कोटी रुपयांची गुंतवणूक सिल्वर लेक कंपनी जिओ प्लॅटफॉर्म्समध्ये करणार आहे. रिलायन्स इंडस्ट्रीज आणि जिओ प्लॅटफॉर्मसकडून आज याबाबत माहिती देण्यात आली. विशेष म्हणजे, केवळ एक टक्के हिस्सेदारीसाठी सिल्वर लेकने जिओमध्ये तब्बल ५,६५६ कोटी रुपयांची गुंतवणूक केलीये. या गुंतवणूकीमुळे जिओ प्लॅटफॉर्म्सची इक्विटी व्हॅल्यू ४.९० लाख कोटी रुपये आणि एंटरप्राइज व्हॅल्यू ५.१५ लाख कोटी झाल्याचं कंपनीकडून सांगण्यात आलं.

Silver Lake to invest Rs. 5655.75 Crore in Jio Platforms at an Equity Value of Rs. 4.90 Lakh Crore. Reaffirmation of the Technology Prowess of Jio Platforms by one of the largest Tech investors Globally.#MukeshAmbani #SilverLake #Reliance#Jio #DigitalIndia #JioDigitalLife pic.twitter.com/DNw3q5PO3O

— Reliance Jio (@reliancejio) May 4, 2020

सिल्वर लेक टेक्नॉलॉजीमध्ये गुंतवणूक करण्याच्या बाबतीत ग्लोबल लीडर आहे. यापूर्वी सिल्वर लेकने अलीबाबा ग्रुप, एअरबीएनबी, डेल टेक्नॉलॉजी, अँट फायनान्शियल, अल्फाबेट व्हॅरिली आणि ट्विटर यांसारख्ये अनेक आघाडीच्या कंपन्यांमध्येही गुंतवणूक केली आहे.

News English Summary: Silver Lake will invest Rs 5,656 crore in Jio Platforms. This was announced today by Reliance Industries and Jio Platforms. Notably, Silver Lake has invested Rs 5,656 crore in Jio for just one per cent stake.

News English Title:  Story after Facebook another American company Silver Lake Invests rupees 5656 Crore In Jio Platforms Sas News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.