24 January 2022 8:58 AM
अँप डाउनलोड

Health First | थंडीत गूळ खाण्याचे आरोग्यदायी फायदे | माहित आहेत का?

Benefits, Eating jaggery, winter season, health article

मुंबई, २१ डिसेंबर: प्राचीन काळापासून आयुर्वेदिक औषध म्हणून गुळाचा वापर होत आहे. भारतातील सर्वाधिक लोक जेवणानंतर गूळ खातात. गूळ हा चवीला गोड आहे, त्याचबरोबर तो पचनक्रिया सुरळीत करण्यास मदत करतो. थंडीच्या दिवसात गूळ खाणे गरजेचे आहे, कारण गुळामुळे थंडीपासून संरक्षण होते. गुळामध्ये लोहाचं प्रमाण अधिक असतं. प्राचीन काळात साखरेऐवजी गुळाचा वापर जास्त केला जायचा, कारण गूळ हा साखरेपेक्षा स्वस्त आणि खूप फायदेशीर आहे. यासोबत जेवणातही गोडी आणण्यासाठी अनेक घरांमध्ये गुळाचा वापर केला जातो.

थंडीमध्ये गूळ खाणे शरीरासाठी अंत्यत फायदेशीर मानले जाते. रिकाम्या पोटी गूळ खाणे फायदेशीर असते हे तर तुम्हाला माहीत असेल, पण गुळाचे पाणी पिणे हे देखील फायेदशीर असते, हे तुम्हाला माहित आहे का? गुळामध्ये नैसर्गिक शर्करा असते असे मानले जाते. थंडीच्या दिवसांमध्ये रात्री झोपण्यापुर्वी गूळ खाणे पोटाच्या त्रासांपासून दूर ठेवते. डाएट फूडमध्ये गुळाचा समावेश असतो. थंडीत गूळ खाल्याने शरीराला आराम मिळतो. गुळामधील तत्व आरोग्यासाठी फायदेशीर असते.

काय आहेत नेमके फायदे:

सर्दी-पडसे:
थंडीमध्ये गूळ खाल्ल्यामुळे सर्दी-पडसे सारखे आजार दूर राहतात. गूळ हा उष्ण असतो जो शरीरात ऊर्जा निर्माण करतो आणि सर्दी-पडसे दूर ठेवतो. काळी मिरी आणि आल्यासोबत गूळ खाल्यास सर्दी पडसे होणार नाही.

हाडांची मजबुती:
गूळ खाणे हाडांच्या मजबुतीसाठी चांगले आहे. गुळामध्ये कॅल्शिअम आणि फॉस्फरसचे भरपूर प्रमाण असते. ज्यामुळे हाडे मजबूत होतात.

रक्त दाब:
रक्तदाबाचा त्रास असलेल्या रुग्णांसाठी गूळ खाणे फायदेशीर आहे. रक्त दाब नियंत्रित ठेवण्यास फायदा होतो.

गुळामुळे त्वचा उजळते:
चेहऱ्यावरील डाग नष्ट करण्यासाठी गूळ खूप उपयुक्त आहे. गूळाचा नियमित वापर केल्याने चेहऱ्याच्या सर्व समस्या दूर होतात आणि चेहरा निखरतो.

रक्ताची कमतरता:
गुळामध्ये आयर्न (लोह) चे खूप प्रमाण आहे. शरीरातील लोहच्या कमतरतेमुळे अॅनिमियाचा त्रास होतो. गूळ खाल्यामुळे शरीरातील रक्ताचे प्रमाण वाढते.

श्वसनतंत्राचे कार्य सुरुळीत करते:
तुम्हाला हे ऐकून आश्चर्य वाटेल पण अनेक वैज्ञानिक अध्ययनात हे सिद्ध झाले आहे की, गुळाचे सेवन केल्याने श्वसनतंत्राचे कार्य सुरूळीत होते. खास करुन थंडीच्या दिवसांत नाक बंद होण्याची समस्या प्रकर्षाने जाणवते. अशावेळी गुळाचे सेवन केल्यास ब्रीदिंग सिस्टम मजबूत होते. गुळाला क्लींजिंग एजंट देखील म्हटले जाते कारण ते श्वसन प्रणाली, फुफ्फुस, अन्न नलिका, पोट आणि आतडे शुद्ध करते. गुळाचे सेवन केल्यामुळे रक्ताभिसरण प्रक्रिया देखील सहजतेने होते.

 

News English Summary: Jaggery has been used as an ayurvedic medicine since ancient times. Most people in India eat jaggery after meals. Jaggery is sweet in taste and also helps in smooth digestion. It is important to eat jaggery on cold days, as jaggery protects against cold. Jaggery is high in iron. In ancient times, jaggery was used more than sugar, as jaggery is cheaper and more profitable than sugar. In addition, jaggery is used in many homes to sweeten the food. Eating jaggery in the cold is considered to be extremely beneficial for the body. You know that eating jaggery on an empty stomach is beneficial

News English Title: Benefits of eating jaggery in winter season health article updates.

हॅशटॅग्स

#Health(770)

संबंधित बातम्या

राहुन गेलेल्या बातम्या

x