मोदींनी सांगताच लोकांनी दिवे लावले, घंटा वाजवल्या, माझ्या कारकिर्दीत असं पाहिलेलं नाही : अमित शहा

नवी दिल्ली, २८ जून : अमित शहा यांनी पंतप्रधान नरेंद्र मोदींच्या नेतृत्वाचं कौतुक केल असून भारता दोन्ही लढाया जिंकत असल्याचे म्हटले. देशातील कोरोनाविरुद्धची लढाई भारताने अर्धी जिंकली असून कोरोनावर मात देण्यात इतर देशांच्या तुलनेत भारत प्रभावी ठरला आहे. त्यामुळे, देशातील कोरोनाविरुद्धची लढाई आणि पूर्व लडाख सीमारेषेवरील सीमावादाच्या टेन्शनची लढाई, या दोन्ही लढाया भारत जिंकत असल्याचं अमित शहांनी म्हटलं आहे.

राहुल गांधींच्या सगळ्या टीकेला अमित शाह यांनी तितक्याच चोखपणे प्रत्युत्तर दिले आहे. ‘एएनआय’ला दिलेल्या मुलाखतीत शहा यांनी म्हटले की, भारत-चीन प्रश्नावर चर्चा करायची असेल तर करुयात. १९६२ पासून काय काय घडले, यावर संसदेत एकदा दोन दोन हात होऊनच जाऊ देत. कोणीही चर्चेला घाबरत नाही. मात्र, जेव्हा सीमेवर देशाचे जवान संघर्ष करत आहेत किंवा सरकारने एखादी ठोस भूमिका घेतली असताना पाकिस्तान किंवा चीनला आनंद होईल, अशी वक्तव्य करणे योग्य नसल्याचे अमित शाह यांनी सांगितले.

कोरोनाची लढाई भारताने अत्यंत स्थैर्याने आणि धैर्याने लढली आहे. नरेंद्र मोदींच्या नेतृत्त्वात कोरोनाची लढाई अत्यंत धैर्याने आपण लढलो आहोत. जगाच्या तुलनेत आपण कोरोनाशी अत्यंत उत्तमरित्या लढलो आहोत. आपल्याकडे परिस्थिती जगाच्या तुलनेत बरीच नियंत्रणात आहे. पंतप्रधान नरेंद्र मोदी यांनी सांगितलं आणि दिवे लावले गेले, घंटा वाजवल्या गेल्या. एकाही पोलिसाशिवाय कर्फ्यू पाळला गेला. यासारखी बाब मी तरी माझ्या कारकिर्दीत पाहिलेली नाही असं अमित शहा म्हणाले.

News English Summary: Prime Minister Narendra Modi said and the lights were turned on, the bells were rung. Curfew was observed without any police. Amit Shah said, “I have never seen anything like this in my career.”

News English Title: As soon as Modi said this people turned on the lights rang the bells I have never seen anything like this in my career News latest Updates.