13 April 2021 7:40 PM
अँप डाउनलोड

कोरोना नव्या स्ट्रेनचा परिणाम | ऑस्ट्रेलियात निर्बंध लागू | जपानमध्ये आणीबाणी

Japan Emergency, Australia, Lockdown

मुंबई, ८ जानेवारी: राज्यासह देशभरात कोरोना लसीकरणाचा दुसरा सराव (ड्राय रन) शुक्रवारी घेतला जात आहे. देशात कोरोना लसीकरणाची तयारी अंतिम टप्प्यात आहे. याबाबत गुरुवारी केंद्राने सर्व राज्ये, केंद्रशासित प्रदेशांना पत्र लिहिले आहे. त्यात म्हटले आहे की, ‘राज्यांनी आपली सज्जता ठेवावी. लसीची पहिली खेप लवकरच उपलब्ध करून दिली जाणार आहे.’ केंद्रीय आरोग्य मंत्रालयानुसार, केंद्रशासित प्रदेशासंह १९ राज्यांना पुरवठादारांच्या माध्यमातून तर इतर १८ राज्यांना सरकारी मेडिकल स्टोअर डेपोतून कोरोना लस मिळेल. लसीच्या वाहतुकीसाठी भारतीय वायुदल आणि व्यावसायिक विमान कंपन्यांच्या विमानांचा वापर केला जाईल.

BhagyaVivah Marathi Matrimonial

दुसरीकडे कोरोनाचा नवा स्ट्रेन आढळल्यानंतर जगभरात चिंता व्यक्त केली जात आहे. नव्या स्ट्रेनमुळे करोनाबाधितांची संख्या सातत्याने वाढत आहे. करोनाबाधितांच्या वाढत्या संख्येमुळे अनेक देशांनी निर्बंध लागू करण्यास सुरुवात केली आहे. ऑस्ट्रेलियाचे पंतप्रधान स्कॉट मॉरिसन यांनी नवीन निर्बंध लागू केले आहेत.

ऑस्ट्रेलियातील ब्रिस्बेनमध्ये करोना संकटामुळे तीन दिवसांच्या लॉकडाउनची घोषणा करण्यात आली आहे. ब्रिस्बेनमधील एका हॉटेल कर्मचाऱ्यात करोनाची लक्षणे आढळली. त्यानंतर प्रशासनाने तातडीने खबरदारीच्या उपाययोजना आखण्यास सुरुवात केली. आगामी तीन दिवस लोकांना घरातच थांबण्याचे आवाहन करण्यात आले आहे.

 

News English Summary: Concerns are being raised around the world after the discovery of a new strain of the corona. The number of coronaviruses is steadily increasing due to the new strain. Due to the growing number of coroners, many countries have begun to impose sanctions. Australian Prime Minister Scott Morrison has imposed new restrictions. A three-day lockdown has been announced in Brisbane, Australia, due to the Corona crisis.

News English Title: Japan declared a Emergency in Tokyo and Australia issue new guidelines lockdown news updates.

हॅशटॅग्स

#CoronaCrisis(1270)

संबंधित बातम्या

राहुन गेलेल्या बातम्या

x