शिंदेंकडून प्रॉपर्टीवर स्वतःच्या वडिलांच्या नावाचा वापर | पण पक्षासाठी 'बाळासाहेब ठाकरे' यांच्या नावाचा वापर होणार?

Eknath Shinde | शिवसेनेत फूट पडल्याचं आता जवळपास निश्चित झालं आहे. एकनाथ शिंदे यांच्या नेतृत्वाखाली शिवसेनेतून बाहेर पडलेल्या बंडखोर आमदारांच्या गटाच्या नावावर शिक्कामोर्तब झालं आहे. दीपक केसरकर यांनी ही माहिती प्रसार माध्यमांशी बोलताना दिली.

शिंदे गटाचं नाव निश्चित :
एकनाथ शिंदे यांच्या नेतृत्वाखाली एकवटलेल्या शिवसेनेच्या बंडखोर आमदारांच्या गटाने नवं नाव निश्चित केलं आहे. २२ जूनपासून शिवसेनेचे बंडखोर आमदार गुवाहाटीत असून, तेथे पुढील निर्णय घेतले जात आहे. मागील काही दिवसांपासून फक्त आमदारांकडून भूमिका स्पष्ट केल्या जात आहे. दरम्यान, शिंदे गटाचं नाव निश्चित झालं आहे. शिवसेना बाळासाहेब असं नव्या गटाचं नाव असणार आहे.

उद्धव ठाकरे काय म्हणाले :
कालच मुख्यमंत्री उद्धव ठाकरे यांनी बोलताना म्हटलं होतं की त्यांनी ठाकरे आणि शिवसेना हे नाव न घेता जगून दाखवावं. अशात आता आज शिंदे गटाचं नवं नाव समोर आलं असून यात ठाकरे आणि शिवसेना दोन्ही नावं घेतली गेली आहेत. अशात आता शिवसेना याला विरोध करणार का हे पाहाणं महत्त्वाचं ठरणार आहे. दरम्यान शिवसेनेच्या आमदारांनी आणि नेत्यांनी शिंदे गटाला बाळासाहेबांचं नाव वापरण्याचा अधिकार नसल्याची प्रतिक्रिया दिली आहे. हे नाव स्वार्थासाठी घेतलेलं असून हे सगळं बंडखोरांना बाळासाहेबांना मिळवून दिलं तरीही अशाप्रकारे गद्दारी करणाऱ्यांना हा अधिकारी नसल्याचं त्यांनी म्हटलं आहे.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Eknath Shinde party name will be Shivsena Balasaheb Thackeray check details 25 June 2022.