शीख समाजाचा यूसीसीला विरोध, भाजपचं अस्तित्व नसलेल्या पंजाबमध्ये अकाली दल स्वतंत्र निवडणूक लढवणार, भाजप संकटात

Lok Sabha Election 2024 | पंजाबमध्ये शिरोमणी अकाली दल आणि भाजपची लोकसभा निवडणुकीपूर्वी युती होऊ शकते असं म्हटलं गेलं. ही चर्चा जितक्या वेगाने पसरली तितक्याच वेगाने ती फेटाळली गेली. कारण UCC वरून भाजपचे सहकारी पक्ष सुद्धा भाजपपासून दुरावा ठेऊ लागले आहेत. अकाली दलाचे नेते सुखबीर सिंग बादल यांनी युतीची शक्यता फेटाळून लावली, तर पंजाब भाजपचे प्रभारी विजय रुपाणी यांनीही अशा कोणत्याही युतीचा इन्कार केला.

राज्यातील लोकसभेच्या सर्व १३ जागा भाजप स्वबळावर लढवणार आहे. सुनील जाखड यांनीअकाली दलाशी युतीची कोणतीही चर्चा करण्यास नकार दिला. मात्र, याबाबत निर्णय घेण्याचा अधिकार आपल्याला नसल्याचेही त्यांनी स्पष्ट केले. याबाबत हायकमांड काही तरी निर्णय घेईल.

समान नागरी कायद्याच्या मुद्द्यावर बिनसलं
सुखबीर सिंग बादल म्हणाले की, भाजपसोबत युतीची कोणतीही चर्चा नाही. दरम्यान, अकाली दलाच्या सूत्रांनी सांगितले आहे की, दोन्ही पक्षांमधील चर्चा कुठे अडकली आहे. पंजाबमधील संवेदनशील मुद्दा असलेल्या समान नागरी कायद्याच्या मुद्द्यावर भाजपने माघार घ्यावी, अशी अकाली दलाची इच्छा आहे. समान नागरी कायद्याबाबत बोलणार नाही, असे आश्वासन भाजपने द्यावे, अशी अकाली दलाची इच्छा आहे. याशिवाय शीख कैद्यांचीही तुरुंगातून सुटका करण्यात यावी. तरच युतीची चर्चा होऊ शकते. दुसरीकडे समान नागरी कायद्यामुळे देशभरात वातावरण तयार होईल आणि पंजाबमधील युतीने त्याचा त्याग करणे योग्य ठरणार नाही, असे भाजपला वाटते.

शीख संघटनांचा यूसीसीला विरोध – भगवंत मान
पंजाबचे मुख्यमंत्री भगवंत मान यांनीही समान नागरी कायद्याला विरोध केला आहे. इतकंच नाही तर शीख संघटनांनीही याविरोधात आपलं मत व्यक्त केलं असून शीख पर्सनल लॉ बोर्ड स्थापन करण्याचा निर्णयही घेतला आहे. शीख संघटनांचा असा विश्वास आहे की यूसीसीच्या माध्यमातून त्यांच्या धार्मिक नियमांमध्ये हस्तक्षेप केला जाऊ शकतो. यासंदर्भात शिरोमणी गुरुद्वारा व्यवस्थापन समितीची बैठकही घेण्यात आली असून, त्यात समान नागरी कायदा आणण्यास विरोध जाहीर करण्यात आला आहे. याशिवाय नवीन संस्था स्थापन करण्याचा ही निर्णय घेण्यात आला.

News Title : Lok Sabha Election 2024 UCC effect on NDA check details on 07 July 2023.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.