तुमच्या बाळाला घ्या नाहीतर गुवाहाटीला घेऊन जातील असं म्हणणाऱ्या टोले-बहाद्दर नेत्या स्वतःच शिंदेसोबत गेल्या, टिझन्स उडवत आहेत खिल्ली

Neelam Gorhe | ठाकरे गटाच्या महिला नेत्या आज शिंदे गटात सामील झाल्या आहेत. विधान परिषदेच्या उपसभापती नीलम गोऱ्हे यांनी मुख्यमंत्री शिंदेंच्या शिवसेनेत प्रवेश केला आहे. काही दिवसांपू्र्वी आमदार मनिषा कायंदे यांनी मुख्यमंत्री शिंदेंच्या शिवसेनेत प्रवेश केला होता. त्यानंतर आता नीलम गोऱ्हेंच्या शिवसेना प्रवेशानंतर ठाकरे गटातील दुसऱ्या महिला नेत्या शिंदे गटात गेल्या आहेत.

ठाकरे गटाला रामराम ठोकून नीलम गोऱ्हेंनी शिंदे गटात प्रवेश केला आहे. विधानभवनात शिवसेना पक्षकार्यालयात नीलम गोऱ्हेंनी पक्षप्रवेश केला आहे. पक्षप्रवेशाच्या कार्यक्रमाला मुख्यमंत्री एकनाथ शिंदेंसह, उपमुख्यमंत्री देवेंद्र फडणवीस तसंच उदय सामंत उपस्थित होते.

मागील अधिवेशनावेळी आरोग्यमंत्री तानाजी सावंत, विधान परिषदेच्या उपसभापती निलम गोऱ्हे आणि विधान परिषदेचे विरोधी पक्षनेते अंबादास दानवे यांच्या उपस्थितीत आमदार सरोज आहिरे यांना व त्यांच्या बाळासाठी सुसज्ज हिरकरणी कक्ष उपलब्ध करून देण्यात आला होता. यावेळी गुवाहाटीचा उल्लेख करत विधान परिषदेच्या उपसभापती निलम गोऱ्हे यांनी आरोग्यमंत्री तानाजी सावंत यांना मिश्कील टोला लगावला होता. आरोग्यमंत्री तानाजी सावंत यांनीही निलम गोऱ्हेंना प्रत्युत्तर दिलं होतं.

आरोग्य मंत्री तानाजी सावंत यांनी आमदार सरोज अहिरेंच्या बाळाला कडेवर घेतलं होतं.यावर नीलम गोऱ्हे म्हणाल्या होत्या, बाळाला घ्या नाहीतर गुवाहाटीला घेऊन जातील. यावर मंत्री तानाजी सावंत म्हणाले होते, तुम्हालाही गुवाहाटीला घेऊन जातो. आज त्याच नीलम गोऱ्हे आता शिंदे गटात गेल्यावर समाज माध्यमांवर त्यांची खिल्ली उडवली जातेय.

News Title : MLC Neelam Gorhe has joined Shinde Camp today check details on 07 July 2023.