नाना पटोले आणि उदयनराजेंची दिल्लीत भेट | पण नाना पटोलेंच्या प्रतिक्रियेने आश्चर्य

नवी दिल्ली, १० फेब्रुवारी: साताऱ्यातील भारतीय जनता पक्षाचे राज्यसभेचे खासदार उदयनराजे भोसले यांचा राजकारणापलीकडील स्वभाव सर्वश्रुत आहे. खासदार उदयनराजे भोसले त्यांच्या मानाप्रमाणेच वागतात किंवा बोलतील असाच अनुभव आहे. आतादेखील त्यांच्या अशाच एका कृतीची समाज माध्यमांवर आणि राजकीय वर्तुळात जोरदार चर्चा सुरु आहे.

मागील काही दिवसांपूर्वीच नाना पटोले यांची काँग्रेसच्या प्रदेशाध्यक्षपदी नियुक्ती झाली. त्यानंतर नाना पटोले सोनिया गांधी आणि राहुल गांधी यांची सदिच्छा भेट घेण्यासाठी त्यांच्या 10 जनपथ या निवासस्थानी गेले होते. नेमक्या त्याचवेळी खासदार उदयनराजे भोसले यांची गाडी त्याच परिसरातून जात होती. तेव्हा उदयनराजेंनी नाना पटोले यांनी गाडीतून पाहिले आणि त्यांनी ड्रायव्हरला गाडी थांबवायला सांगितली.

दरम्यान या भेटीचा फोटोही समोर आला असून, त्यावरून राजकीय चर्चा रंगू लागल्या आहेत. सोनिया गांधी यांच्या निवासस्थानासमोरून जात असताना उदयनराजेंना पटोले बाहेर दिसले. त्यामुळे त्यांनी गाडी थांबवून त्यांची भेट घेतली व प्रदेशाध्यक्षपदी नियुक्ती झाल्याबद्दल अभिनंदन केलं, असं उदयनराजे यांनी इंडियन एक्स्प्रेसशी बोलताना म्हटलं आहे. तर दुसरीकडे पटोले यांनी सूचक वक्तव्य केलं आहे. “काँग्रेसला बळकटी देण्यासाठी इतर पक्षातील नेत्यांना सामावून घेण्याच्या दिशेनं काम सुरू आहे. ‘जस्ट वेट अँड वॉच..’ पुढे आश्चर्यकारक धक्के देऊ,” असं सूचक वक्तव्य पटोले यांनी भेटीनंतर केलं आहे.

News English Summary: Bharatiya Janata Party’s Rajya Sabha MP from Satara Udayan Raje Bhosale’s nature beyond politics is well known. It is an experience that MP Udayan Raje Bhosale behaves or speaks according to his dignity. Even now, one such act of his is being hotly debated on social media and in political circles.

News English Title: BJP MP Udayanraje Bhonsale and congress state president Nana Patole meet at Delhi news updates.