भाजपच्या जाहिरातीतील शेतकरी सुद्धा आंदोलनात | बेकायदेशीरपणे वापरला फोटो

नवी दिल्ली, २३ डिसेंबर: केंद्र सरकारने लागू केलेल्या कृषी कायद्यांविरोधात सुरु असलेल्या आंदोलनाने चांगलाच जोर धरला आहे. पंजाब, हरियाणा तसेच इतर राज्यातील शेतकरी दिल्लीच्या सीमेवर आंदोलन करत आहेत. परंतु, या शेतकऱ्यांनी आता आक्रमक पवित्रा धारण केल्याचं दिसतंय.

दरम्यान पंजाबमधील शेतकरी हरप्रीतसिंग हेही या आंदोलनात सहभागी झाले आहेत. पण पंजाबमध्ये या कायद्यांवर भाजपच्या जाहिरातीत हरप्रीतसिंग यांचा फोटो आहे. म्हणजेच भारतीय जनता पक्षाने ज्या शेतकऱ्याचा फोटो आपल्या जाहिरातीवर लावला आहे, तो गेल्या २ आठवड्यांपासून सिंघू सीमेवरील नवीन कृषी कायद्यांविरोधातील आंदोलनात बसला आहे. भारतीय जनता पक्षाने आपल्या फोटोचा बेकायदेशीररीत्या वापर केला आहे, असा आरोप हरप्रीतसिंग यांनी केला आहे.

हरप्रीत सिंग यांचा फोटो भारतीय जनता पक्षानं जाहिरातींमध्ये वापरला आहे. या जाहिरातीत नव्या कृषी कायद्यांमुळे शेतकऱ्यांना फायदे होत असल्याचा दावा भारतीय जनता पक्षाकडून करण्यात आला आहे. परंतु भारतीय जनता पक्षानं आपला फोटो कोणत्याही परवानगीविना वापरला असल्याचा आक्षेप हरप्रीत यांनी नोंदवला. भारतीय जनता पक्षानं बेकायदेशीरपणे फोटो वापरल्याचा आरोप त्यांनी केला. हरप्रीत पंजाबच्या होशियारपूरचे रहिवासी असून ते शेतकरी आहेत. परंतु शेतीसोबतच ते अभिनयदेखील करतात.

News English Summary: Farmers protest is going on at the Singhu border against the farm laws of the central government. Harpreet Singh, a farmer from Punjab, has also joined the agitation. But in Punjab, there is a photo of Harpreet Singh in the BJP’s advertisement on these laws. In other words, the farmer whose photo the BJP has put on its advertisement has been protesting against the new agricultural laws on the Singhu border for the last two weeks. Harpreet Singh has alleged that the BJP has used his photo illegally.

News English Title: BJP Party uses Punjab farmer Harpreet Singh photo as its poster boy in advertisement who is protesting on Singhu border news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.