जम्मू : लोकसभा निवडणुकीच्या अनुषंगाने देशभर हिंदुत्वाचा अजेंड्यावर लोकसभा निवडणूक लढणाऱ्या भाजपचा दुतोंडीपणा समोर आला आहे. नरेंद्र मोदी देशभर भाषणांमध्ये हिंदुत्व आणि पाकिस्तानच्या नावाने बोंब मारत असले तरी जम्मू काश्मीरमध्ये भाजपने प्रचारासाठी आणि प्रमोशनसाठी हिरवा रंग वापरणं पसंत केलं आहे.
एकूणच एनडीए’ने हिंदुत्वाच्या मुद्याला अधिक बळ दिलं असलं तरी अशा जाहिरातीतून भाजपचा खरा चेहरा समोर येत आहे. त्यात काँग्रेसच्या प्रचार सभांमध्ये मुस्लिम लीग या पक्षाचे झेंडे देखील पाकिस्तानचे असल्याचा कांगावा भाजपची सोशल मीडिया टीम करताना दिसते आणि मतदाराच्या डोळ्यात धूळफेक करताना दिसते.
त्यामुळे भाजपने हिंदुत्वाचा कितीही कांगावा केला तरी त्याच्या सोयीस्कर भूमिका बरंच काही सांगून जात आहेत. विरोधकांकडून एकही चूक झाली तरी त्याचा थेट संबंध धर्माशी जोडून भाजप तरुणांच्या डोळ्यात धूळफेक करताना दिसते आहे. त्यामुळे सामान्य जनतेने डोळे उघडे ठेवून सर्वच पक्षांच्या बाबतीत जागृत राहणं गरजेचं आहे.
