नवी दिल्ली : भारतीय जनता पक्षाचे विद्यमान खासदार आणि बॉलिवूडचे ज्येष्ठ कलाकार शत्रुघ्न सिन्हा यांनी आज नवी दिल्ली येथे काँग्रेसमध्ये जाहीर प्रवेश केला. मागील ५ वर्षात मोदी सरकारच्या कारभारावर त्यांनी वारंवार टीका केली होती. तसेच अनेकदा त्यांनी थेटपणे पंतप्रधान मोदींविरोधातही भाष्य केले होते. त्यामुळे ते भाजपापासून दुरावले होते. त्यातच भाजपाने त्यांचे लोकसभेचे तिकीटही कापल्याने अखेर त्यांनी काँग्रेसमध्ये प्रवेश करीत असल्याची घोषणा केली होती.

दरम्यान, दिल्लीत काँग्रेसच्या मुख्यालयात काँग्रेसचे सरचिटणीस के. सी. वेणुगोपाल आणि प्रवक्ते रणदीप सुरजेवाला यांच्या उपस्थितीत सिन्हा यांनी काँग्रेसमध्ये प्रवेश केला.

भाजपा खासदार शत्रुघ्न सिन्हा यांचा काँग्रेसमध्ये प्रवेश