20 June 2021 4:13 PM
अँप डाउनलोड

दुसऱ्यांचं ऐकल्याशिवाय काहीही टिकू शकत नाही | राजकीय पक्षांचं देखील तसंच आहे - सिब्बल यांचा सूचक इशारा

Congress leader Kapil Sibal

नवी दिल्ली, 10 जून | बुधवारी सकाळी काँग्रेसचे उत्तर प्रदेशमधील महत्त्वाचे नेते जितिन प्रसाद यांनी भाजपामध्ये प्रवेश केला. त्यावरून राजकीय तर्क-वितर्क सुरू झाले असून ज्योतिरादित्य सिंदिया, जितिन प्रसाद यांच्यानंतर आता सचिन पायलट यांचा नंबर लागणार का? अशी देखील विचारणा होऊ लागली आहे. या पार्श्वभूमीवर काँग्रेसचे ज्येष्ठ नेते कपिल सिब्बल यांनी आपल्याच पक्षाला सूचक इशारा दिला आहे.

BhagyaVivah Marathi Matrimonial

यासंदर्भात बोलताना कपिल सिब्बल म्हणाले की, ‘दुसऱ्यांचं ऐकल्याशिवाय काहीही टिकू शकत नाही. कॉर्पोरेट व्यवस्था देखील जगू शकत नाही. राजकीय पक्षांचं देखील तसंच आहे. तुम्ही जर ऐकलं नाहीत, तर तुमच्यावर वाईट परिस्थिती ओढवेल”, असं कपिल सिब्बल म्हणाले आहेत. त्यामुळे आता काँग्रेसवर आत्मपरिक्षण करण्याची वेळ आली आहे का? अशी चर्चा राजकीय वर्तुळात सुरू झाली आहे.

यावेळी कपिल सिब्बल पुढे म्हणाले की, ‘मला खात्री आहे की नेतृत्वाला हे माहितीये की नेमकी समस्या काय आहे. माझी आशा आहे की नेतृत्व लोकांचं ऐकेल. कारण ऐकल्याशिवाय काहीही तग धरू शकत नाही. पक्षांतर्गत समस्यांचं निराकरण केलं गेलं नाही हे खरं आहे. या समस्यांची शक्य तितक्या लवकर दखल घेतली गेली पाहिजे. आम्ही सातत्याने या अडचणींविषयी सांगत राहू. काँग्रेसनं पुन्हा एकदा पूर्वीप्रमाणे मोठा पक्ष व्हायला हवं. त्यासाठी आपल्याला पुनर्रचना करणं आवश्यक आहे.

तसेच जिवंतपणी मी भारतीय जनता पक्षामध्ये जाणार नाही. माझ्या मरणानंतरच हे शक्य होऊ शकेल. माझ्या जन्मापासून मी भारतीय जनता पक्षाला विरोध करत आलो आहे. जितिन प्रसाद यांच्या कृतीवर माझा म्हणूनच आक्षेप आहे”, असं सिब्बल म्हणाले.

 

News English Summary: Nothing lasts without listening to others. Even the corporate system cannot survive. The same is true of political parties. If you don’t listen, bad things will happen to you, “said Kapil Sibal. So is it time for the Congress to introspect? Such a discussion has started in political circles.

News English Title: Congress senior leader Kapil Sibal alert to party high command after Jitin Prasad Joining leaving party news updates.

हॅशटॅग्स

#Rahul Gandhi(226)

संबंधित बातम्या

राहुन गेलेल्या बातम्या

x