28 March 2024 9:24 PM
अँप डाउनलोड
बातम्या फ्लॅश
Numerology Horoscope | 29 मार्च 2024 | तुमची जन्म तारीख किती? अंकज्योतिष शास्त्र सांगेल तुमचा शुक्रवारचा दिवस कसा असेल Horoscope Today | तुमचे शुक्रवारचे राशिभविष्य | 29 मार्च 2024 | तुमच्या राशीनुसार तुमचा शुक्रवारचा दिवस कसा असेल जाणून घ्या HDFC Mutual Fund | पगारदारांनो! येथे पैसा गुंतवा, या 3 म्युच्युअल फंड योजनेत 1000 टक्क्याहून अधिक परतावा मिळेल Lloyds Enterprises Share Price | शेअरची किंमत 27 रुपये! अल्पावधीत 2337% परतावा दिला, करोडोत कमाई करणार? Gravita Share Price | शेअर असावा तर असा! 4 वर्षांत दिला 2700% परतावा, आता अल्पावधीत 29% परतावा देईल HLV Share Price | 26 रुपयाचा शेअर करतोय मालामाल, अल्पावधीत 650% परतावा, पुन्हा अप्पर सर्किटवर Adani Green Share Price | अदानी ग्रीन शेअर चार्टवर मोठे संकेत, शेअरमध्ये बंपर तेजी येणार, किती फायदा होईल?
x

अमित शहा उद्या उमेदवारी अर्ज दाखल करणार, तर उद्धव ठाकरे यांची विशेष उपस्थिती

Narendra Modi,  Amit Shah, BJP

मुंबई: भारतीय जनता पक्षाचे अध्यक्ष अमित शहा लोकसभा निवडणुकीसाठी उद्या उमेदवारी अर्ज भरणार आहेत. यासाठी शिवसेना पक्षप्रमुख उद्धव ठाकरे गुजरातला जाणार आहेत. उमेदवारी अर्ज भरण्याआधी जोरदार शक्तीप्रदर्शन केलं जाणार असल्याचं वृत्त आहे. त्यासाठी शहांनी उद्धव ठाकरेंना थेट गुजरातला येण्याचं आमंत्रण दिलं आहे. उद्धव ठाकरे यांनी देखील ते आमंत्रण स्वीकारलं आहे.

सध्या राज्यसभेचे खासदार असलेले अमित शहा यंदा पहिल्यांदाच लोकसभा निवडणूक लढवणार आहेत. ते उद्या गांधीनगरमधून उमेदवारी अर्ज दाखल करतील. मात्र त्याआधी भव्यदिव्य रोड शो केला जाईल. त्यासाठी उद्धव ठाकरेंना आमंत्रण देण्यात आलं आहे. ठाकरे यांनी हे आमंत्रण स्वीकारलं आहे. शिवसेना आणि भाजपामधील संबंध मागील ५ वर्षांमध्ये अतिशय विकोपाला गेले होते. परंतु, फेब्रुवारीत दोन्ही पक्षांनी युती करण्याचा निर्णय घेतला. त्यामुळे आता दोन्ही पक्षांकडून एकी दाखवण्याचे प्रयत्न केले जात आहेत.

नरेंद्र मोदी पंतप्रधान झाल्यापासून शिवसेनेनं सतत त्यांच्यावर टीका केली. त्यानंतर उद्धव ठाकरे यांनी पुढील सर्व निवडणुका स्वबळावर लढवण्याचा निर्णय घेतला. परंतु, तरीही शिवसेना केंद्र आणि राज्यातील सरकारमध्ये कायम होती. या काळात अनेकदा शिवसेनेकडून खिशात घालण्याचे इशारे देण्यात आले. अमित शहांनीही पटक देगें म्हणत शिवसेनेवर शरसंधान साधलं होतं. तर उद्धव यांनी भाजपाचे अध्यक्ष आणि केंद्रीय मंत्र्यांचा उल्लेख अफजलखानाच्या फौजा म्हणून केला होता. मात्र फेब्रुवारीत दोन्ही पक्षांनी युती करण्याचा निर्णय घेतला. राज्यातील २५ जागा भाजपा, तर २३ जागा शिवसेना लढवेल. तर विधानसभेला निम्म्या म्हणजेच प्रत्येकी १४४ जागा लढवण्याचा निर्णय घेण्यात आला आहे.

हॅशटॅग्स

#Amit Shah(265)#udhav Thakarey(405)

संबंधित बातम्या

राहुन गेलेल्या बातम्या

x