एमपीत २८ जागांवर पोटनिवडणूक | भाजपची मोफत कोरोना लसची घोषणा | खरं कारण वाचा

भोपाळ, २२ ऑक्टोबर : बिहारमधील विधानसभा निवडणुकीच्या पार्श्वभूमीवर आज भाजपाने आपला निवडणूक जाहीरनामा प्रसिद्ध केला. इतर अनेक आश्वासनांपैकी यंदा भाजपाने करोनाच्या पार्श्वभूमीवर बिहारमधील जनतेला करोनाचा मोफत लस देण्यात येईल असं आश्वासनही आपल्या जाहीरमान्यात दिलं आहे. केंद्रीय अर्थमंत्री निर्मला सीतारामन यांनी आज साडे दहाच्या सुमारास बिहार निवडणुकीसाठी भाजपाचा जाहीरनामा प्रसिद्ध केला.

या जाहीरनाम्यात भाजपाने ११ मोठे संकल्प केले आणि सत्तेत आल्यानंतर अनेक आश्वासने पूर्ण करण्याचा दावा केला. “भाजपा है तो भरोसा है’ ५ सूत्रे, एक लक्ष्य, ११ संकल्प’ यासह भाजपाने नवीन नाराही दिला आहे. निर्मला सीतारामन यांनी माध्यमांना सांगितले की, कोरोना लस उपलब्ध होत नाही तोपर्यंत मास्क हाच उपाय आहे. परंतु ही लस येताच ती मोठ्या प्रमाणात भारतात तयार होईल. ही लस बिहारच्या लोकांना मोफत दिली जाईल असं आश्वासन भाजपानं दिलं आहे.

दुसरीकडे तशीच घोषणा मध्य प्रदेशातील शिवराजसिंग सरकारने देखील केली आहे. मध्य प्रदेशमध्ये कोरोनाची लस आल्यानंतर ती मध्यप्रदेशच्या जनतेला मोफत देणार अशी मोठी घोषणा आज मध्यप्रदेशचे मुख्यमंत्री शिवराज सिंग चौहान यांनी केली आहे. ज्यावेळी करोनाची लस येईल त्यावेळी ती मध्यप्रदेशच्या जनतेला मोफत देण्यात येईल अशी घोषणा त्यांनी केली आहे.

Madhya Pradesh Chief Minister Shivraj Singh Chouhan announces that as and when a #COVID19 vaccine is ready, it will be made available for all people of the state free of cost. pic.twitter.com/b4X22b8MAf

— ANI (@ANI) October 22, 2020

मात्र मध्य प्रदेशातील या घोषणे मागील खरं कारण दुसरंच असल्याचं राजकीय विश्लेषकांनी म्हटलं आहे. मध्य प्रदेशात विधानसभेच्या तब्बल २८ जागांवर पोटनिवडणूक होतं असून त्यासाठी ३ नोव्हेंबरला मतदान प्रक्रिया पार पडणार आहे. मात्र दुसरी महत्वाची गोष्ट म्हणजे मध्य प्रदेशातील २०१८ मध्ये पार पडलेल्या विधानसभा निवडणुकीत संबंधित २८ जागांपैकी २७ जागा काँग्रेसने जिंकल्या होत्या. त्यामुळे भाजपाची धाकधूक वाढली होती. त्यामुळे कोरोना आपत्ती संबंधित कोरोना लसचा मुद्दा पुढे करून मतदाराला एकप्रकारे घाईघाईत आमिष दाखवल्याचं राजकीय विश्लेषकांनी म्हटलं आहे.

News English Summary: Madhya Pradesh Chief Minister Shivraj Singh Chouhan on Thursday further ramped up the Bharatiya Janata Party (BJP)’s recent rhetoric over the coronavirus disease (COVID-19) vaccine, declaring that once the vaccine is ready, it will be made available for everyone in Madhya Pradesh free of cost. The chief minister on this day took to his official handle on Twitter to announce the news.

News English Title: Madhya Pradesh CM Shivraj Singh Chouhan Announces That As And When A Covid19 Vaccine Is Ready It Will Be Made Available Free Of Cost news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.