हार्दिक पटेलवर शाईफेक, उज्जैनमधील घटना

भोपाळ : पाटीदार समाजाचा नेता हार्दिक पटेल याच्यावर शाईफेक करण्यात आली आहे. सदर घटना मध्य प्रदेशातील उज्जैन येथे घडली आहे.

शाईफेक करणाऱ्या युवकाला ताब्यात घेण्यात आले असून त्याचे नाव मिलिंद गुर्जर असल्याचे समजते. संबंधित ठिकाणी हार्दिक पटेल पत्रकार परिषद घेण्यासाठी आला होता त्यावेळी गर्दीत हा प्रकार घडला असून त्याचा व्हिडीओ सुद्धा व्हायरल झाला आहे.

हार्दिक पटेल याने केवळ स्वतःच्या स्वार्थासाठी गुर्जर आणि पटेल समाजाची फसवणूक केल्याचा आरोप संबंधित युवकाने केला आहे. विशेष म्हणजे हार्दिक पटेल याने पत्रकार परिषद घेऊन मध्य प्रदेशातील बहुचर्चित व्यापमं घोटाळ्यावरून शिवराजसिंग चौहान याच्या सरकारवर तोफ डागली होती आणि त्यानंतर ही घटना घडल्याने वेगळाच संशय घेतला जात आहे.

#WATCH: Man threw ink on Hardik Patel during an event in Ujjain, later apprehended by police. #MadhyaPradesh (07.04.18) pic.twitter.com/ccb1oS69sL

— ANI (@ANI) 7 April 2018

महत्वाची सूचना: कोरोना आपत्तीत सतर्क राहणं कधीही चांगलं आणि त्यासाठीच आपत्कालीन परिस्थितीत सर्व माहिती देणारं अँप सोबत असणं देखील गरजेचं आहे. म्हणून आत्ताच डाउनलोड करा... महाराष्ट्रनामा कोरोना डॅशबोर्ड.