दिसपूर : लोकसभेच्या पहिल्या टप्प्यातील निवडणुकीसाठी मतदान झाल्यानंतर सर्वच पक्षांनी प्रचारासाठी कंबर कसली आहे. कॉंग्रेसच्या महासचिव प्रियंका गांधी वाड्रा आज पहिल्यांदा उत्तर प्रदेशच्या बाहेर निवडणूक प्रचार करणार आहेत. आज त्या आसाम दौऱ्यावर असून आसामच्या सिलचर मतदारसंघातील कॉंग्रेस उमेदवार सुष्मिता देव यांच्या प्रचारार्थ रोड शो करणार आहेत.
प्रियंका गांधींनी पक्षाच्या प्रचाराची जबाबदारी आपल्या खांद्यावर घेतल्यापासून उत्तर प्रदेशच्या बाहेरील त्यांचा हा पहिलाच प्रचार दौरा असणार आहे. आसामच्या पाच जागांसाठी १८ एप्रिल रोजी मतदान होणार आहे.
