जयपूर, १३ ऑगस्ट – जवळपास महिनाभर चाललेल्या राजकीय अनिश्चिततेनंतर पक्षश्रेष्ठींनी समजूत काढल्याने राजस्थानमधील राजकीय नाट्य संपुष्टात आले होते. मात्र राजस्थानमध्ये सारे आलबेल झाले असे वाटत असतानाच भाजपने खेळलेल्या एका चालीमुळे राज्यातील राजकारणात नवा ट्विस्ट आला आहे. आज झालेल्या भाजपच्या बैठकीमध्ये राज्यातील अशोक गहलोत यांच्या नेतृत्वाखालील सरकारविरोधात अविश्वास ठराव आणण्याचा निर्णय घेण्यात आला आहे. त्यामुळे आता उद्या होणाऱ्या विधानसभेच्या अधिवेशनात अशोक गहलोत यांना बहुमत सिद्ध करावे लागणार आहे.

काँग्रेस नेते सचिन पायलट हे राजस्थानचे मुख्यमंत्री अशोक गेहलोत यांच्या निवासस्थानी पोहचले आहेत. शुक्रवारपासून राजस्थान विधानसभेचं अधिवेशन सुरु होतं आहे. या अधिवेशाबाबत चर्चा करण्यासाठी सचिन पायलट हे अशोक गेहलोत यांच्या निवासस्थानी पोहचले आहेत. राजस्थानात जी राजकीय उलथापालथ सचिन पायलट यांनी घडवली होती त्यानंतर ते वेगळी चूल मांडतील असं चित्र दिसत होतं.

मात्र राहुल गांधी आणि प्रियंका गांधी यांच्या शिष्टाईमुळे सचिन पायलट यांचं बंड शमलं. त्यांची काँग्रेसमध्ये घरवापसी झाली. राजस्थान काँग्रेसमधल्या अंतर्गत लाथाळ्या सचिन पायलट यांच्या बंडानंतर पाहण्यास मिळाल्या. आता बंड शमल्यानंतर पहिल्यांदाच सचिन पायलट हे गेहलोत यांच्या भेटीला पोहचले आहेत. शुक्रवारी होणाऱ्या अधिवेशनात काय रणनीती आखायची या चर्चेत ते सभागी झाले आहेत.

 

News English Summary: Congress leader Sachin Pilot has reached the residence of Rajasthan Chief Minister Ashok Gehlot. The Rajasthan Assembly session is starting from Friday. Sachin Pilot has reached Ashok Gehlot’s residence to discuss the convention.

News English Title: Sachin Pilot Reaches CM Ashok Gehlots Residence To Attend Congress Legislature Party Ahead Of The Special Session Of The Rajasthan Assembly News Latest Updates.

सचिन पायलट यांनी घेतली अशोक गेहलोत यांची भेट | काँग्रेसचा मार्ग मोकळा