लोकसभेचे उपाध्यक्षपद मिळणे आमचा अधिकारच : संजय राऊत

नवी दिल्ली : लोकसभा निवडणूकीच्या ऐतिहासिक विजयात बहुमताचा आकडा पार करत भारतीय जनता पक्षाचे ३०३ खासदार निवडणून आले, तर शिवसेनेचे १८ खासदार निवडणून आले. त्यामुळे एनडीएमध्ये भारतीय जनता पक्षानंतर शिवसेना हा सर्वाधिक विजयी खासदार असलेला पक्ष ठरला. परंतु त्यांना केवळ एकच कॅबिनेट मंत्रिपद देण्यात आले. ते देखील अवजड उद्योग खाते. यामुळे शिवसेनेत नाराजी असल्याच्या चर्चा होत्या.

त्यातच आता शिवसेनेने लोकसभेच्या उपाध्यक्षपदावर दावा केला आहे. ‘एनडीएमध्ये भारतीय जनता पक्षानंतर सर्वाधिक खासदार हे शिवसेनेचे निवडून आलेले आहेत. त्यामुळे उपाध्यक्षपद मिळणे आमची मागणी नाही तर आमचा नैसर्गिक अधिकार आहे. लोकसभेचे उपाध्यक्षपद आम्हालाच मिळाले पाहिजे’, असे संजय राऊत यांनी म्हटले.दरम्यान, खासदारसंख्या पाहता लोकसभेचे अध्यक्षपद भारतीय जनता पक्षाकडे राहील. त्यामुळे लोकसभा उपाध्यक्षपदावर शिवसेनेने दावा केला आहे.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.