...अन्यथा दिसताक्षणीच गोळ्या घालू, तेलंगणाच्या मुख्यमंत्र्यांचा गंभीर इशारा

अमरावती, २५ मार्च : कोरोना विषाणूविरोधात युद्ध लढत असलेल्या भारतात आजपासून २१ दिवसाचे लॉकडाऊन सुरु झाले. याचदरम्यान तेलंगणाचे मुख्यमंत्री के चंद्रशेखर राव यांनी लॉकडाऊनची अंमलबजावणी न करणाऱ्यांना कडक शब्दांत इशारा दिला आहे. लॉकडाऊन काळात घराबाहेर पडल्यास दिसताक्षणीच गोळ्या घालण्याचे आदेश (शूट ऍट साईट) देण्याशिवाय माझ्याकडे पर्याय नाही, असा निर्वाणीचा इशाराच त्यांनी दिला आहे.

In US,Army had to be called in to enforce lockdown.If people don’t follow #CoronavirusLockdown,a situation may arise where we’ll have to impose 24-hour curfew & issue shoot-at-sight orders.I urge people not to let such a situation arise:Telangana CM K Chandrashekar Rao (24.03.20) pic.twitter.com/he7KpLYrOb

— ANI (@ANI) March 24, 2020

प्रसारमाध्यमांशी बोलताना मुख्यमंत्री चंद्रशेखर राव म्हणाले की, जर नागरिक लॉकडाऊनच्या आदेशाचे उल्लंघन करत राहिले तर मला २४ तासांच्या संचारबंदीचे आदेश द्यावे लागतील. माझ्यासमोर अशी परिस्थिती निर्माण करु नका, जेणेकरुन मला पोलिसांना दिसताक्षणीच गोळ्या घालण्याचा आदेश देण्याशिवाय पर्याय राहणार नाही. सोमवारी आणि मंगळवारी लॉकडाऊन असतानाही नागरिक बाहेर आल्याने चंद्रशेखर राव नाराज आहेत.

तेलंगणामध्ये ३६ जण कोरोनाची लागण झालेले रुग्ण आढळले आहेत. तर राज्यातील १९ हजारहून अधिक लोकांवर प्रशासनाची नजर आहे. कोरोनाचा वाढता प्रादूर्भाव टाळण्यासाठी तेलंगणा सरकारनं केंद्राच्या निर्देशाची अंमलबजावणी केली आहे. देशभरात सर्व ठिकाणी लॉकडाऊन आहे. अत्यावश्यक सेवा सुरू आहेत. मात्र तरीही नागरिकांनी घराबाहेर पडू नये असा इशारा तेलंगणा सरकारनं दिला आहे.

लोक जीवनावश्यक वस्तू घेण्यासाठी बाहेर येतात पण नियंमांचं पालन करत नाहीत. गर्दी करतात त्यामुळे अनेक शहरांमध्ये दुकानाबाहेर चौकोनी बॉक्स लोकांना उभं राहण्यासाठी आखण्यात आले आहेत. मात्र तेलंगणामध्ये सरकारनं घराबाहेर पडूच नये असा इशारा दिल्यानं नागरिकांच्या मनातही आता धास्ती आहे. आधीच कोरोनाची भीती आणि मुख्यमंत्र्यांनी दिलेल्या इशाऱ्यानंतर लोकांमध्ये भीती निर्माण झाली आहे.

News English Summery:  The 21-day lock down begins today in India battling the Corona virus. Meanwhile, Telangana Chief Minister K Chandrasekhar Rao has warned sternly against those who do not implement the lock down. “I have no choice but to give a shoot order immediately when I leave my house when I am locked out,” he said. Speaking to the media, Chief Minister Chandrasekhar Rao said that if the citizens continue to violate the lock down order, I will have to order 24-hour communication. Do not create such a situation in front of me, so that I have no choice but to order the police to fire at the police. Chandrasekhar Rao is angry with the citizens coming out despite lock down on Monday and Tuesday.

News English Title:  Story corona virus in Telangana Chief Minister K Chandrashekar Rao says Lock down violators could be shot at sight News latest Updates.