कोरोना लॉकडाउन असताना फिरणाऱ्या दुचाकी स्वाराने पोलिसावर गाडी घातली

वसई, २५ मार्च : कोरोना व्हायरसने महाराष्ट्रात थैमान घातलं आहे. दररोज नवीन रुग्णांची यात भर पडत आहे. देशभरात लॉकडाउन जाहीर झालं आहे. पोलीस आपला जीव धोक्यात घालून लोकांना घरात राहण्यास सांगत आहे. पण, वसईमध्ये एका तरुणाने पोलिसांवरच गाडी घालून जखमी केल्याची संतापजनक घटना घडली आहे.

मुंबई जवळील नालासोपाऱ्यात एका दुचाकी स्वाराने पोलीस उपनिरीक्षकाच्या अंगावर गाडी घातल्याने ते जखमी झाले. त्यांच्यावर एका खासगी रुग्णालयात उपचार सुरू आहेत. वसईत बुधवारी एका टवाळखोर दुचाकीस्वाराने बंदोबस्तावर असलेल्या पोलिसांच्या अंगावर गाडी चढवल्याची घटना घडली. यामध्ये पोलीस उपनिरीक्षक सुनील पाटील गंभीर जखमी झाले आहेत.

#कोरोना_आपत्ती: लॉकडाउन असताना फिरणाऱ्या दुचाकी स्वाराने पोलिसावर गाडी घातली…… पोलीस उपनिरीक्षक सुनील पाटील गंभीर जखमी pic.twitter.com/pp59NoHpgk

— महाराष्ट्रनामा न्यूज (@MahanamaNews) March 25, 2020

सुनील पाटील वसईच्या वाकनपाडा परिसरात बंदोबस्तावर होते. यावेळी काही टवाळखोर तरूण रस्त्यावर दुचाकी फिरवत होते. या तरुणांना पोलीस पकडायला गेल्यावर हे तरुण दुचाकीस्वार पळ काढत होते. त्यावेळी सुनील पाटील एका दुचाकीसमोर उभे राहिले. या दुचाकीस्वाराने कोणतीही पर्वा न करता भरधाव वेगातील दुचाकी सुनील पाटील यांच्या अंगावर चढवली. त्यामुळे सुनील पाटील गंभीर जखमी झाले. त्यांच्यावर सध्या वसईच्या आयसीएस रुग्णालयात उपचार सुरु आहेत.

News English Summery:  Corona virus is spread in Maharashtra. New patients are increasing daily. Lockdown has been announced across the country. Police are risking their lives and asking people to stay home. However, in Vasai, a tragic incident of a young man was injured on a police train. He was injured when a motorcycle mounted on a sub-inspector’s vehicle in Nalasopara near Mumbai. They are being treated in a private hospital. In Basai, on Wednesday, a twin-wheeler rider drove a car into the police station in the settlement. Deputy Superintendent of Police Sunil Patil was critically injured in the incident.

News English Title:  Story Corona virus lock down biker hit and run police officer in Vasai News Latest Updates.