VIDEO - खराब रस्त्यांमुळे रुग्णवाहिका न आल्याने गर्भवतीला खांद्यावरून रुग्णालयात आणलं

तामिळनाडू: रूग्णाला खांद्यावर घेऊन रुग्णालयाकडे घेऊन जाताना अनेकदा पाहिलं असेल. मात्र तामिळनाडूत इरोड येथील गावातील पायाभूत सुविधांच्या बट्याबोलामुळे वेगळीच घटना समोर आली आहे. येथे गर्भवती महिलेला नातेवाईकांनी खांद्यावरून रुग्णालयात पोहोचवलं. कुटुंबाला तब्बल ६ किलोमीटर चालत जावे लागले. त्यानंतर गर्भवतीला रुग्णालयात प्राथमिक उपचार दिल्यानंतर तिने मुलाला जन्म दिला आहे.

सोमवारी सायंकाळी कुमारी या गर्भवती महिलेला प्रसूती झाली. तिचा पती मधेशने १०८ क्रमांकावर रुग्णवाहिकेसाठी फोन केला पण पावसामुळे रस्ते पूर्णपणे दुरावस्थेत असल्याने रुग्णवाहिका सुंदरपूरच्या रस्त्यावर येऊ शकली नाही. यानंतर मधेश आणि त्याच्या साथीदारांनी बांबूच्या मदतीने कपड्यांचा पाळणा बतयार केला आणि कुमारीला अडीच तासात ६ किलोमीटरचा प्रवास करत इस्पितळात घेऊन गेले.

कुमारीला तातडीने बारगूर येथील प्राथमिक रुग्णालयात कुटुंबाच्या मदतीने दाखल करण्यात आले आणि तेथेच तिने मुलाला जन्म दिला. सध्या आई आणि मुलाची प्रकृती ठीक असल्याने कुटुंबीयांनी आनंद व्यक्त केला.

#WATCH Pregnant woman carried in a cloth cradle for 6 kms as ambulance couldn’t reach due to lack of proper roads in Burgur, Erode. Woman’s husband with villagers trekked to reach ambulance. She delivered a boy, yesterday, on way to hospital, mother & child are fine. #TamilNadu pic.twitter.com/AmIJ0MKG1R

— ANI (@ANI) December 4, 2019