जम्मू: CRPF जवानांच्या ताफ्यावर दहशतवादी हल्ला; एक जवान शहीद

श्रीनगर, १ जुलै : जम्मू- काश्मीरमधील सोपोर येथे गस्त घालणाऱ्या CRPF जवानांच्या तुकडीवर दहशतवाद्यांनी हल्ला केला आहे. सीआरपीएफच्या सूत्रांचा हवाला देत एएनआय या वृत्तसंस्थेनं हे वृत्त प्रसिद्ध केलं आहे.

Terrorists fired upon a CRPF patrolling party in Sopore, Jammu & Kashmir. More details awaited: Central Reserve Police Force pic.twitter.com/W9p8oxeKr6

— ANI (@ANI) July 1, 2020

सोपोरमध्ये निगराणी करणाऱ्या सीआरपीएफच्या पथकावर दहशतवाद्यांनी हल्ला केला. दहशतवाद्यांकडून जवानांच्या ताफ्यावर करण्यात आलेल्या या हल्लयामध्ये सध्या हाती आलेल्या माहितीनुसार ४ सीआरपीएफ जवान आणि एक स्थानिक नागरिक जखमी झाल्याचं कळत आहे. जखमींना तातडीनं रुग्णालयात दाखल करण्यात आलं आहे. या हल्ल्यात जखमी झालेल्यांपैकी दोन जवानांची प्रकृती गंभीर असल्याचं सांगण्यात आलं होतं. ज्यानंतर आता या हल्ल्यात एका जवानाचा आणि स्थानिक नागरिकाचा मृत्यू झाल्याचं वृत्त प्रसिद्ध करण्यात आलं आहे.

सीआरपीएफच्या पथकावर हल्ला होताच सुरक्षा दलाची एक अतिरिक्त तुकडी घटनास्थळी दाखल झाली. त्यानंतर संपूर्ण परिसराला वेढा घालण्यात आला. सध्या सुरक्षा दलांचं ऑपरेशन सुरू आहे. गेल्या काही दिवसांपासून काश्मीरमधील दहशतवादी कारवाया वाढल्या आहेत. सीमेपलीकडून वारंवार घुसखोरी करण्याचे प्रयत्न सुरू आहेत. पाकिस्तानकडून अनेकदा शस्त्रसंधीचं उल्लंघन करण्यात येत आहे.

News English Summary: Terrorists have attacked a detachment of CRPF personnel patrolling at Sopore in Jammu and Kashmir. The news was published by ANI citing CRPF sources.

News English Title: Terrorist attack on CRPF police party in Kashmirs Sopore one soldier martyred News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.