मिराज, सुखोई आणि अपाचे हेलिकॉप्टरसह वायुसेना लडाख क्षेत्रासाठी सज्ज

लडाख, १९ जून: चीनसोबतच्या तणावाच्यार पार्श्वभूमीवर भारतीय हवाई दलानेही जोरदार तयारी सुरू केली आहे. हवाईदल प्रमुख आरकेएस भदौरिया (RKS Bhadauria) यांनी लडाख, लेह आणि श्रीनगरचा दोन दिवस दौरा केला आणि तयारीचा आढावा घेतला. खबरदारीचा उपाय म्हणून भारताने लढाऊ विमाने आणि हेलिकॉप्टर्स सीमेजवळच्या तळांवर तैनात केले असून त्यांना सतर्कतेचा इशारा देण्यात आला आहे.

चीफ ऑफ डिफेन्स स्टाफ बिपिन रावत आणि सेना प्रमुख नरवणे यांच्या भेटीनंतर वायुसेना प्रमुख आरकेएस भदौरिया यांनी श्रनगर लेह एअरबेसचा दौरा केला होता. हा विभाग सध्या प्रचंड चर्चेत आहे. त्यामुळे येथे कोणताही दगाफटका होऊ नये आणि झालाच तर वेळीच कारवाई करता यावी याकरता वायुसेना तैनात करण्यात आली आहे.

Military chopper and fighter jet activity seen in Leh, Ladakh pic.twitter.com/1OoeEIPgrw

— ANI (@ANI) June 19, 2020

वायुसेनाने मिराज २००० विमानही लडाख क्षेत्रासाठी सज्ज ठेवले आहे. ज्यामुळे चीनच्या सीमेवर लगेच हालचाली करता येतील. याच विमानाने बालाकोटमध्ये एअर स्ट्राईक केले होते. याशिवाय सुखोई-३० लाही अलर्टवर ठेवण्यात आले आहे. अपाचे आणि चिनूकसारखे हेलिकॉप्टरही लडाखमध्ये तैनात आहेत. ज्यामुळे सैन्यांना त्वरीत मदत पोहोचवली जाऊ शकेल. अपाचे हेलिकॉप्टर कोणत्याही कठीण प्रसंगात वापरले जाते. शिवाय श्रीनगर, अम्बाला, आदमपुरा, हलवाडासारख्या परिसरात वायुसेनेने आपल्या हालचाली वाढवल्या आहेत.

News English Summary: The Air Force has also prepared Mirage 2000 aircraft for the Ladakh region. Which will allow immediate movement on the Chinese border. Apart from this, Sukhoi-30 has also been placed on alert. Helicopters like Apache and Chinook are also deployed in Ladakh.

News English Title: The Air Force has also prepared Mirage 2000 aircraft for the Ladakh region News Latest Updates.