G7 परिषद | मोदींकडून 'वन अर्थ वन हेल्थ'चा मंत्र | विरोधक म्हणाले 'धिस इज अर्थ - धिस इज अनर्थ'

नवी दिल्ली , १३ जून | पंतप्रधान नरेंद्र मोदी आज ब्रिटनमध्ये होत असलेल्या G7 परिषदेमध्ये व्हर्चुअली सहभागी झाले. यूनायटेड किंगडमनं दिलेल्या निमंत्रणाचा स्वीकार करत पंतप्रधान मोदी यांनी शनिवारी जी-7 शिखर संमेलनात व्हिडीओ कॉन्फरन्सिंगच्या माध्यमातून सहभाग नोंदवला. पंतप्रधान मोदी यांनी यावेळी ‘वन अर्थ वन हेल्थ’ चा मंत्र दिला. जर्मनीच्या चांसलर एंजेला मर्केल यांनी देखील यावेळी पंतप्रधान मोदी यांचं कौतुक करत त्यांच्या या विचाराला पाठिंबा दिला.

Participated in the @G7 Summit session on Health. Thanked partners for the support during the recent COVID-19 wave.

India supports global action to prevent future pandemics.

“One Earth, One Health” is our message to humanity. #G7UK https://t.co/B4qLmxLIM7

— Narendra Modi (@narendramodi) June 12, 2021

12 आणि 13 जून रोजी पंतप्रधान नरेंद्र मोदी यांची तीन भाषणं या समिटमध्ये होणार आहेत. पंतप्रधान मोदी हे G7 समिटमध्ये दुसऱ्यांदा सहभागी झाले आहेत. याआधी 2019 साली फ्रांसमध्ये झालेल्या समिटमध्ये पंतप्रधान मोदी सहभागी झाले होते. भारत हा निमंत्रित देश असून पंतप्रधान मोदी हे ब्रिटनला जाणार होते पण नंतर देशातील करोना परिस्थिती बिघडल्याने त्यांनी दौरा रद्द केला.

जी ७’ देशांमध्ये अमेरिका, ब्रिटन, फ्रान्स, जर्मनी, इटली, कॅनडा, जपान यांचा समावेश असून भारत, दक्षिण आफ्रिका, ऑस्ट्रेलिया हे निमंत्रित किंवा पाहुणे देश आहेत. भारताला या शिखर बैठकीपासून करोना लशींच्या पुरवठ्याबाबत तर अपेक्षा आहे. भारतात लशीची कमतरता आहे त्यामुळे अमेरिकेकडून त्या मदतीचीही अपेक्षा आहे.

दुसरीकडे ‘वन अर्थ वन हेल्थ’ चा मंत्र दिला त्यावरून भारतात खिल्ली उडविण्यास सुरुवात झाली आहे. तृणमूलचे नेते गुलाम रब्बानी यांनी एक ट्विट करत मोदींच्या मंत्राची खिल्ली उडवत एक खोचक चित्रं देखील शेअर करत त्यामध्ये ‘धिस इज अर्थ आणि धिस इज अनर्थ’ असं लिहिलं आहे. समाज माध्यमांवर देखील या ट्विटला प्रतिसाद मिळत आहे.

𝗢𝗻𝗲 𝗘𝗮𝗿𝘁𝗵, 𝗢𝗻𝗲 𝗛𝗲𝗮𝗹𝘁𝗵 – Narendra

Reality of India👇

– One Vaccine, Different rates
– One GST, Different slabs
– One Petrol, Different taxes
– One Constitution, Different implementation https://t.co/CNlFKbsGAO pic.twitter.com/PbF1zB6Fvo

— Md Ghulam Rabbani (রাব্বানী) (@GhulamRabbani_) June 13, 2021

News Title: PM Modi speech G7 address virtual summit session One Earth One Health motto news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.