20 September 2021 1:02 PM
अँप डाउनलोड
बातम्या फ्लॅश
Kangana Ranaut Vs Javed Akhtar | कंगना आज न्यायालयात हजर न राहिल्यास तिच्या विरोधात अटक वॉरंट निघण्याची शक्यता TCS, Infosys आणि Wipro सह मोठ्या IT कंपन्यांमध्ये नोकरभरती | १२० टक्क्यांपर्यत वेतनवाढ-बोनस मी कोल्हापूरात भाजप भुईसपाट केली | चंद्रकांत पाटील यांनी पुरुषार्थाप्रमाणे लढावं - हसन मुश्रीफ भूखंड घोटाळ्याप्रकरणी एकनाथ खडसे व त्यांच्या पत्नीविरोधात ईडीकडून आरोपपत्र दाखल | 50 लाखांचे बेनामी उत्पन्न सोमय्या आता रश्मी ठाकरेंना लक्ष करताना त्यांच्या मालमत्तेवरून अलिबाग 'आरोप पर्यटन दौरा' करणार सोमैयांची आरोप पर्यटन यात्रा | मागील ३ दिवसांत ४ दौरे | सत्तेत असताना मुलुंडमध्येच असायचे व्यस्त सोमैयांकडून आरोप पर्यटनाला धार्मिक रंग | गणेश विसर्जनापासून रोखलं, हिंदूला रोखलं, आंबेबाईच्या दर्शनापासून रोखल्याची बोंब
x

डियाओस बेट ताब्यात घेण्यावरून चीनची जपानला सैन्य कारवाईची धमकी

China Japan, Diaos island Issue

टोकियो, २१ जून : भारतात संरक्षणमंत्री राजनाथ सिंह यांनी रविवारी सीडीएस जनरल बिपिन रावत आणि तिन्ही सेना प्रमुखांशी उच्चस्तरीय बैठक घेतली. सूत्रांनी दिलेल्या माहितीनुसार संरक्षणमंत्र्यांनी आढावा बैठकीत वास्तविक नियंत्रण रेषेवरील चिनी सैन्याच्या कोणत्याही प्रकारच्या आक्रमक वृत्तीला उत्तर देण्यासाठी सैन्य दलाला पूर्ण स्वातंत्र्य दिले आहे. आतापासून भारत सीमेचे रक्षण करण्यासाठी वेगवेगळ्या धोरणात्मक पद्धतींचा अवलंब करेल. पूर्वेकडील लडाख व इतर क्षेत्रातील चीनच्या कोणत्याही हल्ल्याचा सामना करण्यासाठी भारतीय सैन्याला पूर्ण तयारी करण्यास सांगण्यात आले आहे.

BhagyaVivah Marathi Matrimonial

समोरासमोर उभ्या ठाकलेल्या उभय बाजूच्या सैनिकांमध्ये कोणत्याही क्षणी ठिणगी पडून या भागातील स्थिती आणखी खालावण्याची शक्यता आहे. गलवान खोऱ्यातील सैनिकांचे मृत्यू ही भारत-चीन सीमेवर गेल्या ४५ वर्षांत झालेली पहिलीच घटना आहे. या दोन्ही अण्वस्त्रधारी देशांनी १९९३ मध्ये केलेल्या करारानुसार या प्रत्यक्ष नियंत्रण रेषेवर अशा घटनांत अग्निशस्त्रांचा वापर न करण्याचे ठरले आहे. गलवान खोऱ्यातील घटनेमुळे या कराराबाबत मोठे प्रश्नचिन्ह निर्माण झाले आहे. त्याचप्रमाणे लडाखमध्ये उभय बाजूच्या सैनिकांच्या माघारीच्या प्रक्रियेलाही मोठी खीळ बसली आहे.

मात्र भारत, तैवान, हाँगकाँगनंतर आता चीनची नजर जपानच्या बेटांवर गेली आहे. यामुळे जपानसोबत वाद पेटण्याची शक्यता असून अमेरिकाही यामध्ये थेट उडी घेण्याची दाट शक्यता आहे. चीन आणि जपान दोघेही या निर्जन बेटांवर दावा करतात. या बेटांना जपानमध्ये सेनकाकू आणि चीनमध्ये डियाओस नावाने ओळखले जाते. या बेटांवर चीनची सत्ता नसून १९७२ पासून सारे हक्क जपानकडेच आहेत. तर चीनचा दावा असा आहे की ही बेटं चीनच्या अधिकार क्षेत्रामध्ये येतात. यामुळे या बेटांचा दावा जपानने सोडून द्यावा. एवढेच नाही तर चीनची कम्युनिस्ट पार्टीने या बेटांचा ताबा मिळविण्यासाठी सैन्य कारवाई करण्याची धमकीही देऊन टाकली आहे.

जपानचे नौदल करते सुरक्षा सेनकाकू बेटं जपानच्या ताब्यात आहेत. यावर चीनचा डोळा असल्याने जपानचे नौदल याची सुरक्षा पाहते. अशामध्ये जर चीनला या बेटांचा ताबा मिळवायचा असेल तर त्याला जपानसोबत युद्ध करावे लागणार आहे. मात्र, जगातील तिसरी सर्वात मोठी सैन्य ताकद असलेल्या चीनला हे करणे सहज सोपे नाहीय. गेल्या आठवड्यात चीनच्या काही युद्धनौका या बेटाजवळ गेल्या होत्या. यावरून जपान आणि चीनमध्ये तणाव वाढून त्याचे पर्यावसान धुमश्चक्रीमध्ये होण्याची मोठी शक्यता होती.

जपानला अमेरिकेचे संरक्षण जर चीनला जपानवर हल्ला करायचा असेल तर आधी अमेरिकेसोबत लढावे लागणार आहे. कारण दुसऱ्या महायुद्धानंतर पर्ल हार्बरवर लष्करी तळ बनविताना अमेरिका आणि जपानमध्ये एक करार झाला होता. यानुसार जपानच्या संपूर्ण संरक्षणाची जबाबदारी ही अमेरिकेची असणार आहे. यामुळे जर चीनने जपानवर हल्ला केला तर तो अमेरिकेवर हल्ला केला असे मानले जाणार आहे. असे झाल्यास अमेरिका या युद्धात उतरणार आहे. आणि जर जपान आणि अमेरिकेने चीनवर हल्ला केल्यास तिसऱ्या महायुद्धाला तोंड फुटणार आहे, हे सर्वज्ञात आहे.

 

News English Summary: After India, Taiwan and Hong Kong, China’s eyes are now on the islands of Japan. These islands are known as Senkaku in Japan and Diaos in China. China claims that these islands fall under Chinese jurisdiction. Therefore, Japan should give up its claim to these islands. The Chinese Communist Party has also threatened military action to seize control of the islands.

News English Title: The Chinese Communist Party has also threatened Japan about military action to seize control of the Diaos islands News latest Updates.

हॅशटॅग्स

#China(22)

संबंधित बातम्या

राहुन गेलेल्या बातम्या

x