अमेरिकेतील हिंसाचारावेळी तिरंगा फडकला | अमेरिकन हिंदू ट्रम्प भक्त कारणीभूत?

वॉशिंग्टन, ७ जानेवारी: अमेरिकेची संसद काँग्रेसने इलेक्टोरल कॉलेजच्या निकालाला गृहित धरत डेमॉक्रेटिक पक्षाचे जो बायडन यांच्या विजयाची अधिकृत घोषणा केली. त्यामुळे आता सुरुवातीला राष्ट्राध्यक्ष पद सोडण्यास नकार देणारे मावळते राष्ट्राध्यक्ष डोनाल्ड ट्रम्प यांनी देखील अखेर खुर्ची खाली करण्याची तयारी दाखवली आहे. दरम्यान याआधी आज (7 जानेवारी) अमेरिकेची संसद कॅपिटल हिल भवनमध्ये (US Capitol Violence) ट्रम्प समर्थकांनी मोठ्या प्रमाणात हिंसाचार आणि तोडफोड केल्याचाही प्रकार घडला.

अमेरिकेच्या संसदेत विद्यमान राष्ट्राध्यक्ष डोनाल्ड ट्रम्प यांच्या समर्थकांनी केलेल्या हिंसाचारानंतर संपूर्ण जगभरात खळबळ माजली. जगातील अनेक देशांमध्ये लोकशाहीच्या रक्षणासाठी पावले उचलणाऱ्या अमेरिकेत असा हिंसाचार झाल्याने एकच गोंधळ उडाला.कॅपिटल हिल बाहेर असलेल्या जमावात भारतीय तिरंगा दिसल्यानंतर अनेकांच्या भुवया उंचावल्या आहेत. त्यानंतर ट्विटरवर ‘भक्त’ जोरदार ट्रेंडिंग असल्याचं पाहायला मिळालं.

एखाद्या देशात जाळपोळ आणि दंगल सदृश्य हिंसाचार होत असताना अनेकांचा जीव जातो. त्याच वेळी हिंसाचार भडकाविणाऱ्या जमावात भारताचा तिरंगा दिसणं हे अत्यंत दुर्दैवी आणि संतापजनक म्हणावं लागेल. मात्र अमेरिकेतील राष्ट्राध्यक्ष पदाच्या निवडणुकीच्या प्रचारवेळीच अशा भारतीय ट्रम्प भक्तांची चुणूक दिसली होती. ज्यामध्ये अनेकांनी अमेरिकन हिंदू भारतीयांसाठी ट्रम्प असे फलक स्वतःसोबत आणले होते.

अमेरिकेतील हिंसाचारावेळी तिरंगा फडकला | अमेरिकन हिंदू ट्रम्प भक्त कारणीभूत? pic.twitter.com/7EqTxemeB9

— महाराष्ट्रनामा न्यूज (@MahaNewsConnect) January 7, 2021

News English Summary: The U.S. Congress officially declared the victory of Joe Biden of the Democratic Party, taking into account the results of the Electoral College. So even the now defunct President Donald Trump, who initially refused to step down, is finally ready to step down. Earlier today (January 7), a large-scale violence and vandalism by Trump supporters took place at the US Capitol Violence.

News English Title: US President Donald Trump supporters Capitol violence Indian Flag news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.