29 March 2024 11:29 AM
अँप डाउनलोड
बातम्या फ्लॅश
L&T Share Price | भरवशाचा L&T शेअर दैनिक चार्टवर ट्रेंड लाइन ब्रेकआउट देत आहे, तज्ज्ञांनी काय सल्ला दिला? Adani Port Share Price | अदानी पोर्ट्स स्टॉकबाबत तज्ञ उत्साही, नवीन टार्गेट प्राइस जाहीर, किती परतावा मिळणार? Bonus Share News | सुवर्ण संधी! ही कंपनी फ्री बोनस शेअर्स देणार, वेळीच एन्ट्री घेऊन फायदा घेणार? IFCI Share Price | शेअरची किंमत 39 रुपये! IFCI शेअर चार्ट पॅटर्नमध्ये सकारात्मक वाढीचे संकेत, यापूर्वी 350% परतावा दिला Infosys Share Price | इन्फोसिस शेअरला या प्राईसवर मजबूत सपोर्ट, या पातळीवर टिकल्यास अल्पावधीत उच्चांक किंमत स्पर्श करणार Mutual Fund SIP | मार्ग श्रीमंतीचा! या 10 म्युच्युअल फंड SIP दरवर्षी 40% ते 71% परतावा देतं आहेत, सेव्ह करा यादी Senior Citizen Saving Scheme | ज्येष्ठ नागरिकांना दर महिना मिळतील 20000 रुपये, ही योजना देईल मोठा व्याज दर
x

CAA: भारतातील सध्याची परिस्थिती वाईट: मायक्रोसॉफ्टचे सीईओ सत्या नडेला

Microsoft CEO Satya Nadella, PM Narendra Modi, CAA, Citizenship Amendment Act 2019

वॉशिंग्टन डीसी: भारतात नागरिकत्व दुरुस्ती कायद्यावरून (सीएए) दररोज आंदोलने होत असताना आता मायक्रोसॉफ्टचे सीईओ सत्या नडेला यांनीही याविषयी मत व्यक्त केले आहे. भारतात या कायद्यावरून सुरु असलेल्या आंदोलनावरून त्यांनी खंत व्यक्त केली आहे.

बझफीडचे प्रमुख बेन स्मिथ यांनी ट्विट करत याविषयी माहिती दिली आहे. स्मिथ यांनी म्हटले आहे, की सत्या नडेला यांना भारतात लागू करण्यात आलेल्या सीएए विषयी विचारले असता त्यांनी भारतात सुरु असलेले आंदोलन दुःखद असल्याचे म्हटले आहे. भारतात हे काही होत आहे ते चुकीचे आहे. जर एखादा बांगलादेश निर्वासित भारतात इन्फोसिससारख्या एखाद्या कंपनीचा सीईओचा झाल्यास मला आनंदच होईल.

नडेला यांनी आपले स्वत:चे उदाहरणदेखील दिले. आपण एका जागतिक कंपनीचे सीईओ आहोत. त्याचे श्रेय हे भारतातील तंत्रज्ञानाच्या प्रसाराला आणि अमेरिकेच्या इमिग्रेशन पॉलिसीला जात असल्याचे नडेला यांनी स्पष्ट केले. त्यांनी भारतातील सर्वसमावेशक संस्कृतीचाही उल्लेख केला. उदारमतवादी मूल्यांमुळे भांडवलशाहीला बळ मिळते. भारत सरकारलाही ही बाब ठाऊक असेल असेही त्यांनी म्हटले.

नडेला यांनी मॅनहॅटन येथे झालेल्या मायक्रोसॉफ्टच्या कार्यक्रमात आपले मत मांडले आहे. अमेरिकेतील सर्वांत मोठ्या टेक कंपन्यांपैकी एक असलेल्या मायक्रोसॉफ्ट कंपनीचे ते सीईओ आहेत. याबरोबरच भारतीय वंशाचे सुंदर पिचई हे सध्या गुगलचे नेतृत्व करत आहेत.

“प्रत्येक देशाने आपल्या सीमा ठरवणे गरजेचे असते. प्रत्येक देश आपले राष्ट्रीय सुरक्षा धोरण ठरवून त्याप्रमाणे निर्वासितांसाठी धोरणे ठरतो. लोकशाहीमध्ये हे सर्व निर्णय त्या राष्ट्राचे लोक आणि तेथील सरकार चर्चा आणि वादविवादाच्या माध्यमातून नियमांमध्ये राहून घेतात. माझ्यावर भारतीय संस्कृतीचा प्रभाव आहे. सांस्कृतिक वैविध्यता असणाऱ्या भारतासारख्या देशामध्ये जन्मल्यानंतर मी अमेरिकेमध्ये आलो. भारत हा असा देश हवा जिथे निर्वासित व्यक्ती येऊन एखादी कंपनी सुरु करेल आणि तिची भरभराट होईल किंवा निर्वासिताने सुरु केलेल्या कंपनीचा देशाला आणि अर्थव्यवस्थेला फायदा होईल अशी माझी इच्छा आहे,” असं नाडेला म्हणाले.

 

Web Title:  Whats happening in India is sad Microsoft CEO Satya Nadella on New Citizenship Amendment Act 2019.

हॅशटॅग्स

#Narendra Modi(1665)

संबंधित बातम्या

राहुन गेलेल्या बातम्या

x