7 July 2020 11:32 PM
अँप डाउनलोड

मुख्यमंत्री उद्धव ठाकरे आज वादळग्रस्त रायगडच्या दौऱ्यावर

Raigad, Ratnagiri, Konkan, Nature Cyclone, CM Uddhav Thackeray

मुंबई, ५ जून: कोकणात निसर्ग चक्रीवादळामुळे झालेल्या नुकसानीचा आढावा घेण्यासाठी शुक्रवारी मुख्यमंत्री उद्धव ठाकरे रायगड जिल्ह्याचा दौरा करणार आहेत. त्यामुळे चक्रीवादळामुळे नुकसान झालेल्या कोकणातील जिल्ह्यांसाठी सरकारकडून आर्थिक पॅकेज जाहीर होण्याची शक्यता आता वर्तविली जात आहे. निसर्ग चक्रीवादळामुळे रायगड जिल्ह्यातील आठ तालुक्यांमध्ये मोठ्याप्रमाणावर वित्तहानी झाली आहे. दापोली, मंडणगड, श्रीवर्धन, अलिबाग या भागांना चक्रीवादळाचा सर्वाधिक फटका बसला आहे.

BhagyaVivah Marathi Matrimonial

अनेक ठिकाणी घरांची पडझड झाली आहे. तर ५ हेक्टरवरील कृषीक्षेत्राला फटका बसला आहे. याशिवाय, चक्रीवादळानंतर बहुतांश भागातील वीज आण दूरध्वनी यंत्रणा अजूनही ठप्प आहे. शहरी भागातील वीज पुरवठा पुर्ववत करण्याची कामे सुरु करण्यात आली असली तरी ग्रामीण भागात फार मोठ्या प्रमाणात कामे करावी लागणार आहे. यासाठी महावितरणला मनुष्यबळाची आवश्यकता आहे.

दरम्यान, या नुकसानीचा आढावा घेण्यासाठी महाराष्ट्राचे मुख्यमंत्री उद्धव ठाकरे आज रायगड जिल्ह्याचा दौरा करणार आहेत. अलिबाग येथील जिल्हाधिकारी कार्यालयात ते आढावा बैठक घेतील. यावेळी पर्यावरण मंत्री आदित्य ठाकरे आणि पालकमंत्री आदिती तटकरे यादेखील उपस्थित असणार आहेत.

निसर्ग चक्रीवादळ रायगड जिल्ह्यातील किनारपट्टीवर बुधवारी धडकले होते. याचा फटका जिल्ह्यातील १२ तालुक्यांना बसला असून वादळात दोघांचा मृत्यू झाला. तर अनेक जणांचे संसार उघड्यावर आले. वीजपुरवठा खंडीत झाल्याने जिल्ह्यातील बहुतांश भाग अंधारात आहे. तसेच दूरसंचार यंत्रणा कोलमडल्या आहेत, लाखो झाडे उन्मळून पडल्याने अनेक गावांचा संपर्क तुटला आहे. या चक्रीवादळात जवळपास ५ हजार हेक्टरहून अधिक क्षेत्रावरील फळबागा उध्वस्त झाल्या, तर ५ लाखाहून अधिक घरांचे नुकसान झाले. या सर्व परिस्थितीचा आज मुख्यमंत्री आढावा घेणार आहेत. मुख्यमंत्री उद्धव ठाकरे आज मुंबईहून सकाळी साडे अकराच्या सुमारास रोरो बोटीने अलिबागला जाणार आहेत.

 

News English Summary: On Friday, Chief Minister Uddhav Thackeray will visit Raigad district to take stock of the damage caused by the cyclone. Therefore, it is being speculated that the government will announce a financial package for the cyclone-hit districts of Konkan.

News English Title: Chief Minister Uddhav Thackeray will visit Raigad district to take stock of the damage caused by the Nature cyclone News Latest Updates.

महत्वाची सूचना: कोरोना आपत्तीत सतर्क राहणं कधीही चांगलं आणि त्यासाठीच आपत्कालीन परिस्थितीत सर्व माहिती देणारं अँप सोबत असणं देखील गरजेचं आहे. म्हणून आत्ताच डाउनलोड करा... महाराष्ट्रनामा कोरोना डॅशबोर्ड.

Download App Now
Download Corona Dashboard App

हॅशटॅग्स

संबंधित बातम्या

राहुन गेलेल्या बातम्या

x