13 July 2020 7:38 AM
अँप डाउनलोड

नगराध्यक्षपद: राणे कुटुंबियांवर टीका करून मंत्रिपद मिळवणाऱ्या केसरकारांना भाजपचा दणका

Minister Deepak Kesarkar, MP Narayan Rane

सावंतवाडी: एकीकडे मुंबईत नव्या ठाकरे सरकारच्या पहिल्या वहिल्या मंत्रिमंडळ विस्ताराची जोरदार तयारी सुरू असताना तिकडे कोकणात भाजपनं शिवसेनेला जोरदार धोबीपछाड दिली आहे. कोकणातल्या सावंतवाडीमध्ये झालेल्या नगराध्यक्षपदाच्या निवडणुकीत भाजपच्या संजू परब यांनी शिवसेनेच्या बाबू कुडतरकर यांचा तब्बल ३०९ मतांनी पराभव करत दणदणीत विजय मिळवला आहे. या विजयानंतर भाजपच्या गोटामध्ये जोरदार जल्लोष करण्यात आला.

BhagyaVivah Marathi Matrimonial

सावंतवाडी नगराध्यक्षपदासाठी रविवारी मतदान झाले. या नगराध्यक्ष पदाच्या निवडणुकीत तब्बल सहा उमेदवार निवडणुकीच्या रिंगणात उतरले होते. यामध्ये भाजपच्या बंडखोर अपक्ष उमेदवार अन्नपूर्णा कोरगावकर, भाजपचे अधिकृत उमेदवार सच्चिदानंद उर्फ संजू परब, महाविकास आघाडीचे खेमराज उर्फ बाबु कुडतरकर, काँग्रेसचे ॲड. दिलीप नार्वेकर, बबन साळगावकर, अमोल साटेलकर हे निवडणूक लढवत होते.

मागील अनेक वर्षांपासून इथे शिवसेनेचाच नगराध्यक्ष होता. मुळात दीपक केसरकर यांचा हा गड मानला जात होता. त्यामुळे दीपक केसरकर विरूद्ध नारायण राणे अशा प्रतिष्ठेच्या ठरलेल्या या लढतीमध्ये भाजपची सरशी झाली आणि सावंतवाडीचं नगराध्यक्षपद शिवसेनेच्या हातून निसटलं. सावंतवाडी येथील जिमखाना परिसरात आज मतमोजणी झाली.

मुळात कोणाच्या विकासात केसरकर यांचा काहीच हात नसून ते केवळ राणे कुटुंबियांवर आरोप आणि टीका करून स्वतःची राजकीय पोळी भाजत असल्याचं कोकणात सर्वश्रुत आहे. शिवसेनेकडे देखील दुसरा पर्याय नसल्याने केसरकरांचं फावत असल्याचं स्थानिक शिवसैनिकांना वाटतं आहे. त्यामुळे ते पुन्हा तोच एक कलमी कार्यक्रम पुन्हा ५ वर्ष सुरु ठेवतील अशीच स्थानिक लोकांची धारणा झाली आहे.

 

Web Title:  Shivsena MLA Deepak Kesarkar shocked taking oath Today Minister lost Mayoral Seat at Sawantwadi.

महत्वाची सूचना: कोरोना आपत्तीत सतर्क राहणं कधीही चांगलं आणि त्यासाठीच आपत्कालीन परिस्थितीत सर्व माहिती देणारं अँप सोबत असणं देखील गरजेचं आहे. म्हणून आत्ताच डाउनलोड करा... महाराष्ट्रनामा कोरोना डॅशबोर्ड.

Download App Now
Download Corona Dashboard App

हॅशटॅग्स

#Shivsena(891)

संबंधित बातम्या

राहुन गेलेल्या बातम्या

x