माझ्याकडे घर ना दार म्हणणाऱ्या अमृता फडणवीस यांची मालमत्ता पहा किती कोटीची

मुंबई, १५ ऑक्टोबर : मंदिरं खुली करण्यावरून राज्यपाल भगतसिंह कोश्‍यारी यांनी मुख्यमंत्री उद्धव ठाकरे यांना हिंदुत्वावरून लिहलेले पत्र आणि त्या पत्राला ठाकरेंनी दिलेले उत्तर यामुळे राजकीय वर्तुळात विविध प्रतिक्रिया उमटत आहेत. यावरून विरोधी पक्षनेते देवेंद्र फडणवीस यांच्या पत्नी अमृता यांनी मुख्यमंत्र्यांवर टीका केली होती.

त्यांच्या या टीकेला शिवसेना नेत्या विशाखा राऊत यांनी प्रत्युत्तर दिले आहे. विशाखा राऊत म्हणाल्या कि, अमृता फडणवीस या काही भाजपच्या प्रवक्त्या नाही. त्या फक्त माजी मुख्यमंत्री फडणवीस यांच्या पत्नी आहेत. जर त्या भाजपच्या नेत्या किंवा नगरसेवक सुद्धा असत्या तर आम्ही ऐकले असते. पण, अमृता फडणवीस यांनी आम्हाला शिकवू नये. आम्ही तोंड उघडले तर तुम्हाला तोंड लपवायला जागा ठेवणार नाही, अशा शब्दात त्यांनी अमृता फडणवीस यांच्यावर टीका केली आहे. याच शिवसेनेवर अमृता फडणवीस यांनी बुल्डोजर सरकार म्हणत पलटवार केला आहे.

काय म्हणाल्या अमृता फडणवीस
“माझ्याकडे ना घर आहे, ना दार. मग बुल्डोजर सरकार काय पाडणार?,” अशी टीका अमृता फडणवीस यांनी केली आहे. माजी मुख्यमंत्री मुख्यमंत्री व विरोधी पक्षनेते देवेंद्र फडणवीस यांच्या पत्नी अमृता फडणवीस व शिवसेनेतील कलगीतुरा सुरूच आहे.

मात्र मुख्यमंत्री देवेंद्र फडणवीस यांनी २०१९ मध्ये दक्षिण-पश्चिम नागपूरमधून उमेदवारी अर्ज दाखल केला. अर्जासोबत दाखल केलेल्या प्रतिज्ञापत्रात आपली संपत्ती जाहीर केली होती. त्यात पत्नी अमृता फडणवीस यांच्या स्थावर मालमत्तेचे मूल्य २०१४ च्या ४२.६० लाख रुपयांवरून आता २०१९मध्ये ९९.३ लाख रूपये इतके झाले असल्याचा दावा करण्यात आला होता. ‘स्थावर मालमत्ता’ म्हणजे अचल मालमत्ता असते. उदा: जमीनजुमला, शेतीभाती, वाडी, फळबागा, इमारत, सोसायटीमधला फ्लॅट (गाळा) वगैरे यापैकी कशाचाही समावेश असू शकतो.

अमृता फडणवीस यांच्याकडे २०१४मध्ये रोख रक्कम २० हजार रूपये होती. २०१९ मध्ये १२५०० रुपयांची रोख रक्कम असल्याचे प्रतिज्ञापत्रात म्हटले होते. बँकेतील ठेवी १,००,८८१ रुपये इतक्या होत्या. त्या २०१९ मध्ये ३, ३७, ०२५ रुपये इतक्या होत्या. त्यांच्याही वेतनात मागील पाच वर्षांत झालेल्या वाढीमुळे ही रक्कम वाढली असल्याचे म्हटले जात होते. अमृता यांच्या २०१४ मधील १.६६ कोटी रुपयांच्या शेअर्सचे मूल्य २०१९ मध्ये २.३३ कोटी रुपये इतके झाले आहे.

News English Summary: Amrita Fadnavis should not teach us. “If we open our mouths, we will not leave room for you to hide your face,” he said, criticizing Amrita Fadnavis. Amrita Fadnavis has retaliated against this Shiv Sena by calling it a bulldozer government.

News English Title: Amruta Fadnavis property mentioned in affidavit given by Devendra Fadnavis News updates.