संभाजीराजेंच्या मनात काय भलतच दिसतयं | मराठा आरक्षणाचा विषय स्वतःसाठी वापरू नका - निलेश राणेंचा संताप

मुंबई, २७ मे | सुप्रीम कोर्टाने मराठा आरक्षण रद्द केल्यामुळे मराठा समाज आक्रमक झाला आहे. यानंतर खासदार छत्रपती संभाजीराजे यांनी मराठा समाजाच्या भावना जाणून घेण्यासाठी महाराष्ट्राचा दौरा केला. आज त्यांनी राष्ट्रवादी काँग्रेसचे अध्यक्ष शरद पवार यांची भेट घेतली. त्यानंतर तीन वाजता ते राज ठाकरेंना भेटण्याची शक्यता आहे.

भेटीनंतर माध्यमांशी बोलताना संभाजीराजे म्हणाले की, एकंदरीत मराठा समाजाची खदखद, त्यांची परिस्थिती पवारांच्या कानावर घातली. या प्रश्नी तुम्ही पुढाकार घेण्याची गरज असल्याचं त्यांना सांगितलं. मुख्यमंत्री, विरोधी पक्षनेते या सगळ्यांनी एकत्र येऊन मराठा समाजाला न्याय मिळवून देण्याची भूमिका घ्यायला हवी. त्यांनी सगळं ऐकून घेतलं आणि सकारात्मक दृष्टीकोन दाखवला, असं संभाजीराजे यांनी सांगितले.

दरम्यान, संभाजीराजेंच्या या भेटीनंतर भाजपचे नेते नारायण राणे यांचे सुपुत्र आणि माजी खासदार निलेश राणे यांनी एक ट्विट केलं आहे. या ट्विटमध्ये निलेश राणे म्हणाले की, “संभाजीराजेंच्या मनात काय भलतच दिसतयं. पवार साहेब व महा विकास आघाडीच्या जवळ जायचं असेल तर खुशाल जावं पण मराठा आरक्षणाचा विषय स्वतःसाठी वापरू नका. राजे, वाटेल तसा आरक्षणाचा विषय वापरायला मराठा समाजाने तुम्हाला ठेका दिलेला नाही.

News English Summary: After Sambhaji Raje’s meet with Sharad Pawar, BJP leader Narayan Rane’s son and former MP Nilesh Rane has sent a tweet. In this tweet, Nilesh Rane said, “Sambhaji Raje seems to have something wrong in his mind.

News English Title: BJP leader Nilesh Rane tweet after meet between Sharad Pawar and Sambhajiraje Chhatrapati news updates.