राष्ट्रवादीचे उत्तर महाराष्ट्रात पक्ष मेळावे | खडसेंपुढे भाजपच्या संकटमोचकांची संकटं संपेना

नंदुरबार, ३ ऑक्टोबर : एकनाथ खडसे यांच्या राष्ट्रवादीतील जाहीर प्रवेशानंतर उत्तर महाराष्ट्रात राष्ट्रवादीने एकनाथ खडसे यांच्या उपस्थितीत जोरदार पदाधिकारी मेळावे आयोजित करण्याचा सपाटा लावला आहे. गृहमंत्री अनिल देशमुख आणि एकनाथ खडसेंच्या प्रमुख उपस्थितीत नंदुरबारमध्ये राष्ट्रवादीचा पक्ष मेळावा पार पडला. दुसरीकडे भाजपचे संकटमोचक गिरीश महाजन यांना काल रावेरमध्ये राजकीय धक्के दिल्यानंतर अजूनही धक्के सुरूच असल्याचं पाहायला मिळत आहे.

शहादा येथे राष्ट्रवादी काँग्रेस पक्षाच्या (@NCPspeaks) नंदुरबार जिल्ह्यातील पदाधिकाऱ्यांसोबत बैठक पार पडली. याप्रसंगी उपस्थितांशी संवाद साधला. यावेळी माजी मंत्री एकनाथ खडसे जी (@EknathGKhadse), स्थानिक लोकप्रतिनिधी,पक्षाचे पदाधिकारी आणि कार्यकर्ते उपस्थित होते. pic.twitter.com/Qc2UW3Summ

— ANIL DESHMUKH (@AnilDeshmukhNCP) November 2, 2020

भारतीय जनता पक्षाचे ‘संकटमोचक’ नेते अशी ओळख असलेले माजी मंत्री गिरीश महाजन यांना त्यांच्या बालेकिल्ल्यात खडसेंनी सुरुंग लावत राजकीय शक्तीचं प्रदर्शन सुरूच ठेवलं आहे. जामनेरमधील भारतीय जनता पक्षातील पदाधिकारी आणि कार्यकर्त्यांची फौजच गाड्या भरून आणण्यात आली आणि त्यांना राष्ट्रवादी पक्षात अधिकृत प्रवेश देत संकटमोचक गिरीश महाजन यांच्यासमोरील संकट कायम राहतील याची काळजी घेतली आहे.

भाजपचे संकटमोचक गिरीश महाजन यांना काल रावेरमध्ये राजकीय धक्के दिल्यानंतर अजूनही धक्के सुरूच असल्याचं पाहायला मिळत आहे. pic.twitter.com/GNyCwva9EG

— महाराष्ट्रनामा न्यूज (@MahaNewsConnect) November 3, 2020

मागील अनेक दिवसांपासून भारतीय जनता पक्षातून एनसीपीत पदाधिकारी-कार्यकर्त्यांचं जोरदार आऊटगोइंग सुरु असल्याचं पाहायला मिळत आहे. जळगाव जिल्ह्यातील जामनेर येथील भारतीय जनता पक्षाचे दोनशेपेक्षा अधिक कार्यकर्ते आणि पदाधिकाऱ्यांनी भारतीय जनता पक्षाला कायमचा पक्षाला रामराम ठोकला. एकनाथ खडसे यांच्या नेतृत्वात मुक्ताईनगरमध्ये राष्ट्रवादीत त्यांनी जाहीर प्रवेश केला. यावेळी राष्ट्रवादीचे नेते एकनाथ खडसे, राष्ट्रवादीचे जळगाव जिल्हाध्यक्ष रवींद्र भैय्या पाटील, खडसेंच्या कन्या रोहिणी खडसे-खेवलकर यावेळी उपस्थित होत्या.

News English Summary: After the public entry of Eknath Khadse in the NCP, the NCP in North Maharashtra has planned to organize a strong office bearers’ meeting in the presence of Eknath Khadse. Home Minister Anil Deshmukh and Eknath Khadse were present at the NCP rally in Nandurbar. On the other hand, after BJP’s political Sankatmochak Girish Mahajan was given a political shock in Raver yesterday, the shock is still going on.

News English Title: BJP MLA Girish Mahajan Jamaner constituency many BJP leaders joins NCP in the presence of Eknath Khadse news updates.