18 September 2021 11:08 PM
अँप डाउनलोड

चंद्रकांतदादा म्हणाले, मराठा समाज रस्त्यावर उतरला नाही तर वेळ निघून जाईल | कोरोना आपत्तीत समाजाला भडकविण्याचा प्रयत्न?

Maratha reservation

कोल्हापूर, २७ मे | मराठा आरक्षणासाठी समाजाने आज रस्त्यावर उतरून संघर्ष केला नाही तर वेळ निघून जाईल, असा इशारा भारतीय जनता पार्टीचे प्रदेशाध्यक्ष आमदार चंद्रकांत पाटील यांनी गुरुवारी कोल्हापूर येथे दिला. मराठा समाजाला आरक्षण मिळण्यासाठी होणाऱ्या प्रत्येक आंदोलनाला भाजपा पाठिंबा देईल या भूमिकेचा त्यांनी पुनरुच्चार केला.

BhagyaVivah Marathi Matrimonial

मराठा आरक्षण फेरविचार याछिकेसाठी 4 जूनपर्यंत मुदत:
पाटील म्हणाले, कोरोनाचे संकट आहे म्हणून आयुष्य थांबलेले नाही. मराठा समाजाला आरक्षण मिळावे म्हणून सर्वोच्च न्यायालयात फेरविचार याचिका दाखल करण्यासाठी राज्य सरकारला ४ जूनपर्यंत मुदत आहे. ही मुदत कोरोनामुळे वाढणार नाही व नंतर फेरविचार याचिका दाखल करता येणार नाही. मराठा आरक्षणाला स्थगिती येण्यापूर्वी ज्या उमेदवारांची सरकारी नोकरीसाठीची निवड प्रक्रिया पूर्ण झाली होती व नेमणूकपत्र देणे बाकी होते त्यांना ते देण्यातही कोरोनाचा अडसर नाही. मराठा समाजाने आरक्षणासाठी आज रस्त्यावर उतरून संघर्ष नाही केला तर वेळ निघून जाईल. कोरोनाच्या काळात बाकी सर्व काही करायला परवानगी असताना कोविडच्या नावाखाली राज्य सरकारकडून मुस्कटदाबी चालू आहे, ती लोक सहन करणार नाहीत.

संभाजीराजेंबाबत बोलताना चंद्रकांत पाटील म्हणाले की, भाजपने छत्रपती संभाजीराजे यांचा सन्मान केला आहे. मात्र, संभाजीराजे त्याबाबत कधी बोलत नाही. भाजपा कार्यालयात येऊन अर्ज दाखल करावा लागू नये यासाठी त्यांना राष्ट्रपती नियुक्त खासदार करण्याचा निर्णय पंतप्रधानांनी घेतला. अलाहाबाद येथे भाजपच्या राष्ट्रीय कार्यकारिणी बैठकीत अमित शाह यांनी सत्कार केला. त्यावेळी पंतप्रधान मोदी यांच्यासह भाजपाच्या सर्व केंद्रीय मंत्री व राष्ट्रीय नेत्यांनी उभे राहून त्यांचे अभिनंदन केले. केंद्र सरकारच्या कोणत्याही मंत्र्याकडे गेले असता खा. संभाजीराजे छत्रपती यांचा सन्मानच केला जातो. भाजपाच्या राज्य सरकारने छत्रपती संभाजीराजे यांच्या अध्यक्षतेखाली रायगड विकास परिषदेची स्थापना केली व त्या कामासाठी मोठा निधी दिला”, असे म्हणत चंद्रकांत पाटलांनी संभाजीराजेंना सगळ्याची आठवण करून दिली.

 

News English Summary: If the society does not take to the streets today for Maratha reservation, time will pass, warned Bharatiya Janata Party state president MLA Chandrakant Patil in Kolhapur on Thursday. He reiterated that the BJP will support every movement for reservation for the Maratha community.

News English Title: BJP state president Chandrakant Patil statement regarding Maratha Reservation news updates.

हॅशटॅग्स

#Maratha Kranti Morcha(220)

संबंधित बातम्या

राहुन गेलेल्या बातम्या

x