11 July 2020 2:23 PM
अँप डाउनलोड

उद्धव ठाकरेंच्या सभेसाठी शाळेची भिंत तोडली; सहामाही परीक्षा पुढे ढकलली

Uddhav Thackeray, Shivsena, Zilla Parishad School Wall Demolished

उस्मानाबाद: शिवसेना पक्षप्रमुख उद्धव ठाकरे यांच्या उस्मानाबादमधील प्रचार सभेसाठी जिल्हा परिषद शाळेची संरक्षक भिंत दोन ठिकाणी तोडण्यात आली आहे. विशेष म्हणजे शाळेच्या प्रांगणात सभेची परवानगी देताना इमारतीची काळजी घेण्याचे निर्देश प्रशासनाने दिले होते. मात्र शिवसेना नेत्यांनी या आदेशाला केराची टोपली दाखवली आहे. दरम्यान, आजच्या सभेमुळे शाळेतल्या परीक्षेचं वेळापत्रकही बदलण्यात आलं आहे.

महाराष्ट्रनामा अँप डाउनलोड - कोविड - १९ डॅशबोर्ड

शिवसेना पक्षाचा हा असंवेदनशीलपणा स्थानिकांना पटलेला नसून, विद्यार्थ्यांच्या पालकांनी देखील खेद व्यक्त केल्याचे वृत्त आहे. मुलांनी वेळेचं नियोजन करून अभ्यास केलेला असतो, मात्र शिवसेनेला स्वतःच्या सभेचं आयोजण न करता आल्याने त्याचा फटका थेट शाळेला बसला असून जिल्हा परिषदेला आर्थिक नुकसान देखील झालं आहे.

आदित्य ठाकरे यांनी शिव आशीवार्द यात्रेत विद्यार्थ्यांशी संवाद साधत जो संदेश दिला होता, त्याच्या अगदी उलट शिवसैनिक वागत असल्याचं यावरून स्पष्ट होतं आहे. एकूणच निवडणुकांसाठी विद्यार्थी आणि शाळांना देखील वेठीस धरलं जात असल्याने स्थानिकांनी संताप व्यक्त केला आहे आणि संबंधित कार्यकर्त्यांवर पक्ष नेमकी कोणती कारवाई करणार ते पाहावं लागणार आहे.

सध्या या शाळेत सहामाही परीक्षा सुरु आहे. आज पाचवी ते आठवी इयत्तेची चाचणी परीक्षा आहे. तर नववी आणि दहावीचा, गणित, विज्ञान आणि हिंदी विषयाचे पेपर आहेत. प्रशासनाने दबावापोटी परीक्षेचं वेळापत्रक बदलण्यास भाग पाडलं, तरीही परीक्षेची वेळ आणि सभेची वेळही एकच आहे. मात्र शिवसेनेच्या स्थानिक नेत्यांनी पैसे वाचवण्यासाठी जिल्हा परिषद शाळेच्या प्रांगणामध्ये उद्धव ठाकरेंच्या सभेचं आयोजन केलं आहे. परीक्षा हॉल आणि उद्धव ठाकरेंचं सभास्थळ यात अवघं दहा फुटांचं अंतर आहे. त्यामुळे विद्यार्थ्यांच्या प्रश्नांवर आवाज उठवणारे उद्धव ठाकरे स्थानिक कार्यकर्त्यांना दम देतील का आणि विद्यार्थीहित लक्षात घेऊन या ठिकाणची सभा रद्द करणार का, याकडे सर्वांचे लक्ष लागले आहे.

महत्वाची सूचना: कोरोना आपत्तीत सतर्क राहणं कधीही चांगलं आणि त्यासाठीच आपत्कालीन परिस्थितीत सर्व माहिती देणारं अँप सोबत असणं देखील गरजेचं आहे. म्हणून आत्ताच डाउनलोड करा... महाराष्ट्रनामा कोरोना डॅशबोर्ड.

Download App Now
Download Corona Dashboard App

हॅशटॅग्स

#Shivsena(891)#UddhavThackeray(261)

संबंधित बातम्या

राहुन गेलेल्या बातम्या

x