भावनिक आंदोलनं करण्यापेक्षा तरुणांना रोजगार कसा मिळेल यावर भाजपने काम करावे - काँग्रेस

मुंबई, १३ ऑक्टोबर : “महाविकास आघाडी सरकारला जनभावना समजते. त्यामुळे लवकरच व योग्यवेळी राज्यातील मंदिरे व सर्व धर्मस्थळेउघडण्याचा निर्णय घेतला जाईल”, अशी माहिती राष्ट्रवादी काँग्रेसचे प्रदेश प्रवक्ते महेश तपासे यांनी दिली आहे. “भाजपा मंदिराच्याबाबतीत राजकारण करत आहे. आंदोलने जरुर करा परंतु कुठल्या प्रश्नावर आंदोलने केली पाहिजे याचं भान भाजपाच्या नेत्यांना राहिलेले नाही”, असा टोला महेश तपासे यांनी लगावला आहे.

मंदिर प्रवेश किंवा देवदर्शन हा एक भावनिक मुद्दा आहे. यावर राजकारण करण्याऐवजी भाजपाच्या नेत्यांनी लोकांची उपजीविका कशी सुधारेल, लोकांना, तरुणांना रोजगार कसा मिळेल यावर काम करावे आणि केंद्र सरकारकडे राज्याचा असलेला जीएसटीचा परतावा परत कसा मिळेल यासाठीही आंदोलन करण्याचे धाडस दाखवावे”, असे आव्हान महेश तपासे यांनी भाजपच्या नेत्यांना दिले आहे.

“जनतेच्या जनभावनेचा आदर करणारे महाविकास आघाडी सरकार आहे. त्यामुळे मंदीरेच नव्हे तर सर्व धार्मिक स्थळे उघडली जातील यात शंका नाही”, असेही महेश तपासे यांनी सांगितले.

News English Summary: The Mahavikas Aghadi government understands public sentiment. Therefore, a decision will be taken to open temples and all places of worship in the state soon and in due course, said NCP state spokesperson Mahesh Tapase. BJP is doing politics regarding temples. The agitation must be done, but the BJP leaders are not aware of the question on which the agitation should be carried out, said Mahesh Tapase.

News English Title: Congress Party leader Mahesh Tapase criticized over BJP Protest regarding temples reopen News updates.