27 September 2020 1:56 PM
अँप डाउनलोड

कोरोनाच्याबाबतीत महाराष्ट्राने देशात दिशादर्शक काम केले आहे - आरोग्यमंत्री

Coronavirus, Health Minister Rajesh Tope

मुंबई, २१ ऑगस्ट: कोरोनाच्या वाढत्या प्रादुर्भावामुळे पुण्यात निर्माण झालेली परिस्थिती लवकरच नियंत्रणात येईल, असे वक्तव्य राज्याचे आरोग्यमंत्री राजेश टोपे यांनी केले. ते शुक्रवारी पुण्यात प्रसारमाध्यमांशी बोलत होते. यावेळी राजेश टोपे यांनी सांगितले की, सध्याच्या घडीला पुण्यात कोरोना रुग्णांसाठी बेडची अडचण नाही. परंतु, आम्ही ऑक्सिजन आणि आयसीयू बेडस वाढवण्यावर भर देत असल्याचे टोपे यांनी सांगितले.

BhagyaVivah Marathi Matrimonial

याशिवाय, खासगी रुग्णालयांकडून लोकांना लुबाडले जाणार नाही, याचीही काळजी घेत असल्याचे टोपे यांनी म्हटले. कोरोनाच्याबाबतीत महाराष्ट्राने देशात दिशादर्शक काम केले आहे. खासगी रुग्णालयांमध्ये ८० टक्के बेडस् मिळावेत, यासाठी दोन अधिकारी नेमले आहेत. रुग्णांकडून जास्त पैसे आकारले जाणार नाही, यासाठी ऑडिटरची नेमणूक करण्यात आली आहे. तसेच जिल्हाधिकाऱ्यांना सातत्याने या सगळ्याची अंमलबजावणी होत आहे किंवा नाही, यावर नजर ठेवण्याचे आदेश देण्यात आले आहेत.

तसेच पार्थ पवार हे माझे मित्र असून पवार कुटुंब हे आदर्शवत कुटुंब आहे. त्यांच्यातील सध्याचा विषय हा तात्पुरता विषय आहे. तो घरात बसून मिटवला जाऊ शकतो, असं मत आरोग्यमंत्री राजेश टोपे यांनी व्यक्त केलं आहे. पार्थ पवार हे वारंवार पक्षविरोधी भूमिका मांडत आहेत. यावर टोपे यांना पुण्यात पत्रकारांशी बोलताना भूमिका मांडली. पार्थ यांनी आजवर मांडलेल्या भूमिकेबाबत आपलं त्यांच्याशी बोलणं झाल्याचंही त्यांनी यावेळी स्पष्ट केलं. तसेच राज्यातील विविध प्रश्नांवरही त्यांनी यावेळी भाष्य केलं.

सुशांतसिंह राजपूत मृत्यूप्रकरणी विचारलेल्या प्रश्नावर ते म्हणाले, “आपला देश कायद्यावर चालतो. त्यामुळे आम्हाला कोर्टाच्या निर्णयाचा आदर असून महाराष्ट्र पोलिसांनी या प्रकरणी चांगले काम केले आहे. आता हे प्रकरण कोर्टात आहे, त्यामुळे सरकार याबाबत सर्व सहकार्य करणार आहे.”

 

News English Summary: In the case of Corona, Maharashtra has done a guiding job in the country. Two officers have been appointed to provide 80 per cent beds in private hospitals. An auditor has been appointed to ensure that patients are not overcharged said Health Minister Rajesh Tope.

News English Title: Coronavirus spread in Pune will get in control soon says Health Minister Rajesh Tope News Latest Updates.

महत्वाची सूचना: कोरोना आपत्तीत सतर्क राहणं कधीही चांगलं आणि त्यासाठीच आपत्कालीन परिस्थितीत सर्व माहिती देणारं अँप सोबत असणं देखील गरजेचं आहे. म्हणून आत्ताच डाउनलोड करा... महाराष्ट्रनामा कोरोना डॅशबोर्ड.

Download App Now
Download Corona Dashboard App

हॅशटॅग्स

#RajeshTope(6)

संबंधित बातम्या

राहुन गेलेल्या बातम्या

x