8 July 2020 12:11 AM
अँप डाउनलोड

मागील २४ तासांत १८१ पोलिस कोरोनाबाधित; तर ३ पोलिसांचा मृत्यू

Corona Virus, Covid 19, Maharashtra Police, Mumbai Police

मुंबई, २९ मे : राज्यात कोरोना रुग्णांची संख्या दिवसेंदिवस वाढतच चालली आहे. अशात आपल्या सुरक्षेसाठी तैनात असलेले पोलीस अधिकारीही कोरोनाच्या विळख्यात अडकले आहेत. राज्यात गेल्या २४ तासांत तब्बल १८१ पोलीस करोनाबाधित झाले आहेत. तर ३ पोलिसांचा करोनामुळे मृत्यू झाला आहे. राज्यात आतापर्यंत २ हजार २११ पोलीस करोनाबाधित झाले आहेत तर यात २४९ पोलीस अधिकारी आणि १ हजार ९६२ पोलीस कर्मचारी करोना संक्रमित आहेत. आतापर्यंत एकूण २५ पोलिसांचा करोनामुळे मृत्यू झाला आहे तर ९७० पोलिसांनी करोनावर मात केली आहे.

BhagyaVivah Marathi Matrimonial

दरम्यान, राज्यात आज ८५ रुग्णांचा मृत्यू झाला असून त्यात मुंबईत सर्वाधिक ३८ जणांचा जणांचा बळी गेला आहे. वसई-विरार आणि ठाण्यात प्रत्येकी ४, नवी मुंबईत दोन, जळगाव, रायगड, नांदेडमध्ये प्रत्येकी एक, पुण्यात १०, सातारा ९, सोलापूर, औरंगाबाद ३ आणि अकोल्यात ५ जणांचा समावेश आहे. मृतांमध्ये ६० पुरुषांचा आणि २५ महिलांचा समावेश होता. मृतांमध्ये ६० वर्षे किंवा त्यावरील वयोगटातील ४५ रुग्णांचा समावेश होता. ४० ते ५९ वयोगटातील ३१ रुग्ण तर ४० वर्षाखालील ९ रुग्ण होते. या ८५ मृत रुग्णांपैकी ४५ जणांमध्ये मधुमेह, उच्च रक्तदाब, ह्दयरोग अशा स्वरुपाचे अति जोखीमेचे आजार आढळले होते.

आज नोंद झालेल्या एकूण मृत्यूंपैकी ३७ मृत्यू हे मागील दोन दिवसांतील होते. तर उर्वरित मृत्यू हे १५ मे ते २५ मे या कालावधीतील होते. या कालावधीत ४८ मृत्यूंपैकी मुंबई २२, सोलापूर ५, अकोला ४, औरंगाबाद, सातारा, ठाणे आणि वसई-विरार येथे प्रत्येकी ३, जळगाव, नांदेड, नवी मुंबई, पुणे आणि रायगड येथील प्रत्येकी एका रुग्णाच्या मृत्यूचा समावेश होता, असे आरोग्य विभागातर्फे सांगण्यात आले आहे.

 

News English Summary: The number of corona patients in the state is increasing day by day. Police officers deployed for his safety are also trapped in the corona. In the last 24 hours, 181 police officers have been killed in the state. So 3 policemen have died due to corona.

News English Title: Corona virus last 24 hours 181 police officers have been tested positive 3 policemen died News Latest Updates.

महत्वाची सूचना: कोरोना आपत्तीत सतर्क राहणं कधीही चांगलं आणि त्यासाठीच आपत्कालीन परिस्थितीत सर्व माहिती देणारं अँप सोबत असणं देखील गरजेचं आहे. म्हणून आत्ताच डाउनलोड करा... महाराष्ट्रनामा कोरोना डॅशबोर्ड.

Download App Now
Download Corona Dashboard App

हॅशटॅग्स

#CoronaCrisis(982)

संबंधित बातम्या

राहुन गेलेल्या बातम्या

x