18 September 2021 10:27 PM
अँप डाउनलोड

BREAKING | कोल्हापुरात उपमुख्यमंत्री आणि श्रीमंत शाहू छत्रपतींची भेट, मालोजीराजेही उपस्थित

Deputy Chief minister Ajit Pawar

कोल्हापूर, १४ जून | कोरोना परिस्थितीचा आढावा घेण्यासाठी राज्याचे उपमुख्यमंत्री अजित पवार कोल्हापूरच्या दौऱ्यावर आले आहेत. आज (दि.14) त्यांनी श्रीमंत शाहू छत्रपती यांची भेट घेतली आहे. कोल्हापूरातील न्यू पॅलेस येथे ही भेट होत आहे. या भेटीवेळी संभाजीराजे छत्रपती यांचे बंधू आणि माजी आमदार मालोजीराजे हेदेखील उपस्थित आहेत. या भेटीत नेमकं काय घडणार, याची उत्सुकता सर्वांना लागली आहे.

BhagyaVivah Marathi Matrimonial

राज्याचे उपमुख्यमंत्री अजित पवार आज कोल्हापूर दौऱ्यावर आहेत. यावेळी सकाळीच अजित पवारांनी श्रीमंत छत्रपती शाहू महाराज यांची न्यू पॅलेज इथे भेट घेतली आहे. ही भेट पूर्वनियोजित नव्हती. आज सकाळी अजित पवार अचानकपणे शाहू छत्रपती यांच्या भेटीसाठी न्यू पॅलेस येथे दाखल झाले. 16 जूनला कोल्हापुरातून मराठा मोर्चा काढण्यात येणार आहे. या पार्श्वभूमीवर ही भेट महत्वाची मानली जात आहे. मराठा आरक्षणाविरोधात संभाजीराजेंनी आक्रमक पवित्रा घेतला आहे. त्यामुळे आता या दोघांमध्ये नेमकी काय चर्चा होते याकडे सर्वांचे लक्ष्य लागून आहे.

या भेटीनंतर अजित पवार आणि आरोग्यमंत्री राजेश टोपे कोल्हापूर जिल्ह्यातील कोरोना परिस्थितीचा आढावा घेण्याच्या कामाला लागतील. सध्या कोल्हापूर हा राज्यातील कोरोनाचा हॉटस्पॉट झाला आहे. या पार्श्वभूमीवर सोमवारी उपमुख्यमंत्री अजित पवार आणि आरोग्यमंत्री राजेश टोपे कोल्हापूरचा दौरा करणार आहेत. दहा वाजता जिल्हाधिकारी कार्यालयात प्रशासकीय अधिकारी आणि लोकप्रतिनिधी सोबत दोन्ही नेत्यांची बैठक होईल.कोल्हापुरात काल दिवसभरात 1586 नवे कोरोनाबाधितांची नोंद झाली होती. तर 30 जणांचा मृत्यू झाला होता.

 

News Title: Deputy Chief Minister Ajit Pawar meet Shahu Chhatrapati in Kolhapur news updates.

हॅशटॅग्स

#Ajit Pawar(177)

संबंधित बातम्या

राहुन गेलेल्या बातम्या

x