23 September 2021 6:10 AM
अँप डाउनलोड
बातम्या फ्लॅश
Municipal Corporation Elections 2022 | मुंबई वगळता इतर सर्व महापालिकांसाठी 3 सदस्यीय प्रभाग पद्धत संतापजनक | कोरोनामुळे मृत्यू झालेल्या व्यक्तींच्या कुटुंबीयांना फक्त ५० हजार रुपये भरपाई | केंद्राची सुप्रीम कोर्टात माहिती IPL 2021 | DC vs SRH | आज दिल्ली कॅपिटल्स विरुद्ध सनराइज हैदराबाद सामना रंगणार Hybrid Flying Car | केंद्रीय नागरी उड्डयन मंत्री ज्योतिरादित्य शिंदे यांच्यासमोर फ्लाइंग कारचे मॉडेल सादर राज्यपालांनी राज्याच्या हिताचा आणि ओबीसी समाजाच्या हिताचा निर्णय घेतला - फडणवीस उद्या सोमैय्यांचा पारनेर येथे 'आरोप पर्यटन दौरा' | कारखाना विक्री प्रकरणी सोमय्या पारनेरला जाणार Benefits of Fever | ताप येण्याचे शरीरासाठी असे '४' प्रकारचे फायदे - नक्की वाचा
x

एकनाथ खडसेंचा राष्ट्रवादीत प्रवेश | खासदार सुनेची भाजपच्या बैठकीलाच दांडी

Eknath Khadse, MP Raksha Khadse, BJP Core committee meeting

जळगाव, २७ ऑक्टोबर: भाजपला सोडचिठ्ठी देऊन राष्ट्रवादीत प्रवेश केल्यानंतर एकनाथ खडसे (Eknath Khadse) जळगावात पोहचले आणि त्यावेळी भाजपच्या खासदार रक्षा खडसे (Raksha Khadse) यांनी नाथाभाऊंचं औक्षण करून त्यांचं घरी स्वागत केलं होतं. रक्षा खडसे या नाथाभाऊंच्या स्नुषा असल्या तरी त्या भाजपच्या खासदार आहेत. पक्ष बदलल्यानंतर खडसे गावी परतल्यानंतर त्यांचं रक्षा खडसे यांनी स्वागत केल्याने त्याची राजकीय वर्तुळात चर्चा सुरू होती.

BhagyaVivah Marathi Matrimonial

एकनाथ खडसेंनी भाजपला सोडचिठ्ठी देऊन राष्ट्रवादी काँग्रेसमध्ये प्रवेश करण्याची घोषणा केल्यानंतर रक्षा खडसे काय भूमिका घेतात याकडे सर्वांचे लक्ष लागले होते. दरम्यान, रक्षा खडसे म्हणाल्या होत्या की, मी भाजपा सोडून जाणार नाही. मी भाजपामध्येच राहणार आहे. एकनाथ खडसे यांनी वैयक्तिक कारणांमुळे भाजपाला रामराम ठोकला आहे. मात्र भारतीय जनता पक्षामध्ये मला कुठल्याही प्रकारचा त्रास नाही. त्यामुळे मी भाजपामध्येच राहीन असं स्पष्ट केलं होतं.

दरम्यान, एकनाथ खडसे यांनी पक्षाला सोडचिठ्ठी दिल्यानंतर लगेचच जळगाव भाजपाच्या कोअर कमिटीची बैठक आयोजित करण्यात आली होती. माजी मंत्री गिरीश महाजन यांनी ही बैठक बोलावली होती. या बैठकीला एकनाथ खडसे यांची सून आणि भाजपाच्या खासदार रक्षा खडसे यांनी दांडी मारल्याने राजकीय वर्तुळात चर्चेला उधान आले होते.

खडसे राष्ट्रवादीत गेल्याने जिल्ह्याच्या राजकारणावर मोठे परिणाम होणार आहेत. यामुळे भाजपाने तातडीची बैठक बोलावली होती. भाजप कोअर कमिटीच्या वतीने तातडीनं आयोजित करण्यात आलेल्या बैठकीला प्रांत संघटक विजय पुराणीक, माजी मंत्री गिरीश महाजन, खासदार, आमदार, महापौर, जिल्हा परिषदेच्या अध्यक्षा, उपाध्यक्ष आदींची उपस्थिती होती. पक्ष संघटन मजबुतीच्या दृष्टीनं वरिष्ठ नेत्यांकडून या बैठकीत चाचपणी करण्यात आली.

 

News English Summary: A meeting of the BJP’s core committee was held in Jalgaon soon after Eknath Khadse left the party. The meeting was convened by former minister Girish Mahajan. But the Eknath Khadse’s daughter-in-law and BJP MP Raksha Khadse was absent for the meeting.

News English Title: Eknath Khadse joins NCP MP Raksha Khadse absent for BJP Core committee meeting News updates.

हॅशटॅग्स

#Eknath Khadse(86)

संबंधित बातम्या

राहुन गेलेल्या बातम्या

x