राज ठाकरे अयोध्या दौऱ्यावर जाणार | मराठी आणि हिंदुत्वाचा अजेंडा केंद्रस्थानी

मुंबई, २९ जानेवारी: महाराष्ट्र नवनिर्माण सेनेचे अध्यक्ष राज ठाकरे 1 मार्च ते 9 मार्च दरम्यान एका दिवशी अयोध्येला जाणार असल्याची माहिती मनसे नेते बाळा नांदगावकर यांनी दिली. मनसेची आगामी निवडणुकांच्या तयारीबाबतची बैठक राज ठाकरे, अमित ठाकरे, अनिल शिदोरे आणि इतर प्रमुख नेत्यांच्या उपस्थितीत पार पडली. त्यानंतर झालेल्या पत्रकार परिषदेत बाळा नांदगावकर बोलत होते. महाराष्ट्र नवनिर्माण सेनेने पक्षाच्या वर्धापन दिनानिमित्त राज्यातील जनतेपर्यंत पोहोचण्याचा मेगा प्लॅन केला आहे.

महाराष्ट्र नवनिर्माण सेनेने पक्षाचा झेंडा बदलल्यानंतर हिंदुत्वाच्या मार्गावर पक्ष लक्ष केंद्रीत करत असल्याचं बोललं जात होतं. त्यानंतर भाजप आणि शिवसेनेमध्ये वितुष्ट निर्माण झाल्यानंतर राज्याच्या राजकारणात भारतीय जनता पक्ष आणि महाराष्ट्र नवनिर्माण सेनेची युती होण्याच्या चर्चा सुरू झाल्या होत्या. विशेष म्हणजे, युतीच्या या गणितांबाबत भारतीय जनता पक्षाच्या नेत्यांना विचारण्यात आलं असता त्यांनी वेळोवेळी थेट नकार दिला नव्हता.

मनसेची उत्तर भारतीयांविरोधाची स्पष्ट झाल्यास पुढचा विचार होऊ शकेल, असं देखील भाजपकडून सांगण्यात आलं होतं. आता राज ठाकरे यांच्या अयोध्या दौऱ्यानं ही मनसे आणि भाजपच्या युतीची नांदी तर नाही ना? असा प्रश्न उपस्थित केला जात आहे.

9 मार्चच्या पक्षाच्या वर्धापन दिनाला राज ठाकरे संबोधन करतात. यंदा निवडणुका जवळ आल्या आहेत त्यामुळे 9 फेब्रुवारी ते 12 एप्रिलपर्यंत आपण मनसे सदस्य नोंदणी करणार आहोत. त्यांना महाराष्ट्र सैनिक म्हणून ओळखपत्र देण्यात येईल. गटाध्यक्षांना नव नाव राजदूत देण्यात येणार त्यांना बिल्ला देण्यात येईल. राजकारणापलीकडच्या सुशिक्षित लोकांनी सूचना कळवाव्यात, त्यांच्या कल्पनांचा शहरांच्या विकासासाठी स्वत:हून काम करणाऱ्या लोकांना राज ठाकरेंच्या स्वाक्षरीचं पत्र दिलं जाईल, असं नांदगावकर म्हणाले.

News English Summary: Maharashtra Navnirman Sena president Raj Thackeray will visit Ayodhya on the same day from March 1 to March 9, MNS leader Bala Nandgaonkar said. The MNS meeting on preparations for the forthcoming elections was held in the presence of Raj Thackeray, Amit Thackeray, Anil Shidore and other prominent leaders. Bala Nandgaonkar was speaking at the press conference held after that. Maharashtra Navnirman Sena has a mega plan to reach out to the people of the state on the occasion of the party’s anniversary.

News English Title: MNS Chief Raj Thackeray will make Ayodhya Tour said MNS leader Bala Nandgainkar news updates.