कोरोनातून बऱ्या झालेल्या रुग्णांनी पुढे येऊन प्लाज्मा दान करावा, मुख्यमंत्र्यांचं आवाहन

मुंबई, २८ जून : ३० जूनला लॉकडाउनची मुदत संपते आहे. पुढे काय हा प्रश्न तुमच्या मनात असेल. ३० जून नंतर लॉकडाउन उठणार का? तर त्याचं उत्तर नाही असं आहे असं मुख्यमंत्री उद्धव ठाकरेंनी म्हटलं आहे. तसंच हे सगळं असंच सुरु राहणार का? तर त्याचंही उत्तर नाही असंच आहे. सध्या आपली अवस्था कात्रीत सापडल्यासारखी झाली आहे. आपण अर्थचक्राला गती देण्यासाठी काही गोष्टी सुरु करतो आहोत. सगळं सुरु केलं म्हणून परिस्थिती सुरळीत झाली असं समजू नका नाहीतर करोन आ वासून बसला आहे असंही त्यांनी म्हटलं आहे.

प्लाझ्मा थेरपीबाबत काय म्हणाले मुख्यमंत्री?
चहुबाजूला आपली नजर आहे. कोणत्या देशात नेमकं काय सुरू आहे? प्लाझ्मा थेरपी आपण मार्चपासून करत आहोत. कोरोना संकटाचा सामना करताना अनेक नवनव्या औषधांची नावं पुढे येत आहेत. हायड्रॉक्सीक्लोरोक्वीन, रेमडेसिवीर अशा औषधांचा वापर जगभरात होत आहे. यामध्ये महाराष्ट्र कुठेही मागे नाही. कोरोना रुग्णांसाठी सध्या जगभरात प्लाज्मा पद्धती वापरण्यात येत आहे. कोरोनातून बऱ्या झालेल्या रुग्णांच्या रक्तातील प्लाज्माच्या मदतीनं ९० टक्के कोरोना रुग्ण बरे होत आहेत. त्यामुळे कोरोनातून बऱ्या झालेल्या रुग्णांनी पुढे यावं आणि प्लाज्मा दान करावा, असं आवाहन मुख्यमंत्र्यांनी केलं.

आपलं सरकार काळजीवाहू नाही. हे सरकार महाराष्ट्राची काळजी घेणार आहे. धोक्यापासून सावध करण्यासाठी हे सरकार आहे. लोकल रेल्वे सुरू करण्याची मागणी केली. तर ती अत्यावश्यक सेवेकरता त्या सुरू केल्या आहेत. लॉकडाऊनमध्ये सगळं थांबल असताना शेतकरी मित्र मात्र थांबला नाही. पण या शेतकऱ्यांना आता बोगस बियाणं मिळत असल्याचं समोर आलं आहे. शेतकऱ्यांनी काळजी करू नका. हे सरकार तुमचं आहे. कायद्याच्या कचाट्यातून शेतकऱ्यांना फसवणारे सुटणार नाही. त्यांच्यावर योग्य ती कारवाई केली जाणार.

News English Summary: Ninety percent of corona patients recover with the help of blood plasma. Therefore, the patients who have recovered from the corona should come forward and donate plasma, appealed the Chief Minister.

News English Title: Patients who have recovered from the corona should come forward and donate plasma appealed the Chief Minister Uddhav Thackeray News Latest updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.