30 November 2021 8:34 AM
अँप डाउनलोड
बातम्या फ्लॅश

कोरोना संशयितांची नावं जाहीर करणाऱ्या मनसे पदाधिकाऱ्यावर गुन्हा दाखल

MNS Leader Sanjeev Pakhare, Raj Thackeray, Corona Crisis

नगर, १९ मार्च: मुंबईसह महाराष्ट्रात करोनाचा फैलाव वाढतच असून महाराष्ट्रातील रुग्णांची संख्या ४७ वर पोहोचली आहे. या संकटाशी सामना करण्यासाठी राज्य सरकारकडून वेगवेगळ्या उपाययोजना केल्या जात आहेत. मात्र, लागण होण्याच्या भीतीनं काही ठिकाणी करोनाच्या ग्रस्तांना व संशयितांना बहिष्काराचा सामना करावा लागत असल्याच्या घटना पुढं आल्या आहेत. त्यामुळं खबरदारी म्हणून करोनाच्या रुग्णांची नावं जाहीर न करण्याची भूमिका सरकारनं घेतली आहे. मात्र, मनसेनं त्यास आक्षेप घेतला होता.

दरम्यान, करोनाग्रस्त रुग्णांची नाव उघड करु नयेत असे प्रशासनाचे आदेश असताना हे आदेश धाब्यावर बसवून रुग्णांची नाव उघड केल्याचा प्रकार राज्यात समोर आला आहे. या प्रकरणी महाराष्ट्र नवनिर्माण सेनेचे (मनसे) उपाध्यक्ष संजीव पाखरे यांच्यावर जिल्हाधिकाऱ्यांच्या आदेशाचे उल्लंघन केल्याप्रकरणी गुन्हा दाखल करण्यात आला आहे.

त्यानुसार पाखरे यांच्याविरुद्ध बुधवारी रात्री आपत्कालीन व्यवस्थापन कायद्यान्वये गुन्हा नोंदविण्यात आला आहे. जिल्हाधिकारी तथा अध्यक्ष जिल्हा आपत्कालीन व्यवस्थापन यांनी काढलेल्या आदेशाचे उल्लंघन केल्याचा ठपका पाखरेंवर ठेवण्यात आला आहे. पाखरे हे राज ठाकरे यांनी नुकतेच जाहीर केलेल्या मनसेच्या शॅडो कॅबिनेटमध्ये आहेत.

सिव्हिल हॉस्पिटलचा कर्मचारी कैलास काशिनाथ शिंदे याने या संदर्भात फिर्याद दिली आहे. करोनाचे संशयित रुग्ण म्हणून तिघांना सिव्हिल हॉस्पिटलमधील विलगीकरण कक्षात ठेवण्यात आले होते. हे तिघे हॉस्पिटलमधून निघून गेले होते. त्यांचा शोध घेण्याबाबातचे पत्र सिव्हिल प्रशासनाने रुग्णांच्या नावासह दिले होते. त्याचवेळी तिघेही परत सिव्हिलमध्ये दाखल झाले होते. परंतु त्यांच्या नावाचे पत्र सोशल मीडियावर व्हायरल करून तिघांची नावे उघड करण्यात आली होती.

 

News English Summery:  With Mumbai, the prevalence of coronary disease is increasing in Maharashtra and the number of patients in Maharashtra has reached 47. Various measures are being taken by the state government to deal with the crisis. However, in some places fear of contagion has led to reports of krona sufferers and suspects facing deportation. As a precaution, the government has taken the role of not releasing the names of coronary patients. However, MNS had objected to it. Meanwhile, while the administration has ordered that the names of the coronary patients should not be disclosed, it has come to the state that the order has been disclosed by placing these orders on the skin. A case has been registered against Maharashtra Navnirman Sena (MNS) vice-president Sanjiv Pakhare for violating the orders of the Collector. Accordingly, a criminal case was registered against Pakhre under the Emergency Management Act on Wednesday night. The District Collector and the President have been accused of violating the order issued by the district emergency management. Pakhare is in the recently announced MNS shadow cabinet by Raj Thackeray.

 

News English Summery:  Story Ahmednagar MNS leader Sanjeev Pakhare booked for disclosing names of corona suspects.

हॅशटॅग्स

#Raj Thackeary(711)

संबंधित बातम्या

राहुन गेलेल्या बातम्या

x